Abram Arxipov

Abram Arxipov

1862-1930

Rossiaf lingesik

Abram Efimovitc Arxipov ( rossiavon Абрам Ефимович Архипов ) ba 27/08/1862 koe Egorovo wida koe Rossia koblir. Ba 25/09/1930 koe Moskva awalker. Tiyir geltrevaf lingesik is bewik ke Avlemodikaf Seltom. Blirizva Yolton gu Pirikov dene wawafa tawadayikafa yasa koe Egorovo widama koe Ryazan bowexo koblir. Bak 1877 den Reila ta Lingeropa is Balumara is Vegeduropa ke Moskva mallakir lize gadenon gan Vasili Perov lingesik isu Vasili Polenov isu Vladimir Makovski di vayar. Bak 1883 Arxipov den Gindaf Yambaf Cultim ke Sankt Peterburg mallapir lize bardon zavzagiyir aze koe Moskva dimlapiyir. Mali 1889 Arxipov va wonara ke Avlemodikaf Seltom pakeyer aze arti tolda vanpiyir bewik. Bak 1903 va Tanara dem Rossiaf Yambik denfiyir. Watsa divrozasa va inyon grabom va blira ke rossiikya lingeyed, tulon koe lanyona geltrevafa trutca dalingesa va orikafa vieleafa geltraca. Arxipov va konaka trutca watson gu tawadayikya koe koekafa Rossia dere lingeyer, kaatoeson va sina diskisa va prostewaf gem ik cosaf aboz. Dum aryon bewik ke Tanara dem Rossiaf Yambik, Arxipov koe rid belon lingeyer, koyason is lingeson va nakila ke rossiafo valentexo is krimtaxo ke Belaya Bira. Arxipov dene Reila ta Lingeropa is Balumara is Vegeduropa ke Moskva dere taveyer lize lekeon raveyer. Bak 1924 radimi redura ke TSSS, va Gesia dem Yambik ke Artowasa Rossia denfiyir. Arxipov bak 1930 koe Moskva awalkeyer. Yona trutca Grabom ke Abram Arxipov Moe Oka kuksa (По реке Оке, 1890) Radonitsa abdi jobda (Радоница (Перед обедней), 1892) Moi oprugal (Лёд пошёл, 1895) Xatcaxiaxe (Мастерская по маскам, 1897) Belaya Bira (Северное море, 1900) Tcatesikya (Прачки, 1901) Bak kielcek (По вечерам, 1910) Kerakirikya (Баба в красном, moni 1910) Imwugalaf tilderugal (Весенний праздник, 1913) Kipesa yikya (Улыбающаяся девушка, 1920) Moe Volga bost (На Волге) Lentef patectoy (Северный пейзаж) Dere rupec ► Avlemodikaf Seltom Stragela (ru) Баршева И. Е. А. Е. Архипов. — Л., 1974. (ru) Ненарокомова И. С. Солнечные полотна Абрама Архипова. — М.: Советский художник, 1982. (ru) Живова О.А. Абрам Ефимович Архипов. М., 1959.

Abram Arxipov  Koblira  27/08/1862,  Egorovo, Rossia  Awalkera  25/09/1930,  Moskva, Rossia  Vedeyot  Rossia  Eba  Lingeropa  Serna  Geltreva, Avlemodikaf Seltom   Grabom  По реке Оке, 1890 Прачки, 1901   Tuveli icde Lingeropa