Aluboya dorga ke kramte (suterot)
|
Aluboya dorga ke kramte ( englavon The Five Orange Pips ) tir berpotam ke Arthur Conan Doyle taneon sanegayan bak 1891 koe Standard Magazine virda az direilanon koe Yona stuva ke Sherlock Holmes berpotamak. VildeksBak lerdeaksat ke 1887, John Openshaw va Sherlock Holmes lanir aze va divulafi tegi icde awalkera ke Elias ziavikye is tela ke Joseph gadikye konedir. Lanviele, Elias Openshaw va twa kan piute al kazawar, i va twa dem aluboya dorga ke kramte. Vere grupeyer da bali vanfiyir. John nutye tiyir noglotaf ise va kontega ke ziavik meinde grupayar. Voxen lanmielon bantel xonuker, wizuweyeson koe lava ontinafa vas 60 cm-. Azon viele inafe gadikye va pilkot koe Horsham kodigiyir, pune va twa dem aluboya dorga ke kramte do straga koe twak trasiyir, i do straga kalisa : « Va eluxaxa ben bartivela plekul ‼» Openshaw jotik ve radeyeyer aze va sugdala pu gadikye diveyer. Bantel krupteyer da batcoba tiyir solovafa. Arti tolka, lan mwopik artlaniyir aze va xonukera ke inafe gadikye lubeyese ticu raporxo dakteyer. Sherlock maltrakur da ziavik ke John tiyir tec bewik ke Ku Klux Klan birgaf seltom. Direvielon fela dakter da John Openshaw su wizuwer. Sherlock toz kogrupar, dositanon gan Watson selaropik. YunkexaKonaka yunkexa va berpotam, koe sanegasa virda bak 1891 : Dere rupel
Vuestexa
|
 Tana yunkexa ke taneaf piskuks va berpotam bak 1891 | ||||||||||||||||
.svg){kind=icon}