Amidaca wal toloya betara va "Kontanya koe Berlin (suterot)"
Contenu supprimé Contenu ajouté
bAucun résumé des modifications |
b Koredik |
||
Conya 11:
Wori, nekev relkuca, sutesik va vrutara ton lana becuca voner <ref name="ref4">(en) Anja Wieden, ''Female experiences of rape and hunger in postwar german literature, 1945-1960'', Chapel Hill, North Carolina University, coll. ''Electronic Theses and Dissertations'', 2011, 221 bu, bu 22-87</ref><ref name="ref5">(en) Clarissa Schnabel, ''Mehr als Anonyma : Marta Dietschy-Hillers und ihr Kreis'', 2015, 448 bu, ISBN 978-3734788253.</ref> : va meka bogara tove kerelesik muxar ise nekev mejera is plukera is waberga lajusoltrakur, karfamason.<ref name="ref4" /> Cuynon waldisukeson, va tsokuca ke vidjera ke milgugikeem va Adolf Hitler, voxis blikunacama is blikunacapa razdasa va ageltucafa tuwava ke kottan viele seltbolk zo romplekur. Pilkovon ba artlapira ke sayakik ko widava, in va destara divrozar da ayikya dene levfayikeem ke sovietafa ervolia tigid. Batcoba ke ayikyafa gropa koe TSSS tir divulafa tove in kiren ayikya koe Bareaf Gindugal vas kima ke 3K vierd wan tikiyir.
== Dalaf koredik ==
==== Pwadesikya ====
Pwadesikya mebildesa va yolt ko nega tir yikya pimtasa va blira ko pone is vrutasa va tikisa bifa remi anyustoya safta : Berlin meld az titfira ke Bareaf Gindugal az kerelera va Germana gan sovietik. Wetce unenik ke piskusa tretca va int atoer ; bak jotugal koe Europa al koyapar ise va konaka ava don Rossiava is Francava felilecker. Va int ton « barsandafa latkikya dure diskisa va mila fentugalafa lioza ». Taneon irubasa koe jovleyena kraba, azon den lana nyobrikya gelber moida inafa oga al zo kidar. Ina nope ael az aorara mejedar aze koe kevaorafa luva vasker. Moi artlapira ke sovietaf milk nope cenera va Berlin meld, jontike sovietafe sayakikye va ina yonviele doboed, teka metan mu ina mei konara kosafa boenikya vezur. Acum tire, mayesina is plukena, inya va « konendara » ke fayapik ke kerelesa ervolia kaaneyar, i va fayikye ikron savese voxis novese va lana vansara va sinka.<ref name="ref6">(fr) Brigitte Salino, ''"Une femme à Berlin", un grand livre mis en scène'', Le Monde fela, 09/09/2010.</ref> Radimi dimdrera va sovietafa ervolia is mallapira ke sovietik div wideytafa revava ke Berlin, tir tana « rawaxoikya » godimvilasa va kelu.
==== Nyobrikya ====
I alubdikya igeltuyusa abdi geja, nyobrikya va pwadesikya kevemuder ise va intafa kraba do ina is Pauli W-ye lizukedusik walzilir. Dere boeyesa, vanyer luntafa tove pwadesikya ise va lana dofuguca doon voner. Abdikerelenon gu remblira dum kotar berlinik, tir muntafa gu sinka vanburena gan sovietik ise ladobulur viele bifa tuastirbawed. Xuvanon gan Pauli W-ye kadimi mallapira ke sovietik, erur da pwadesikya di grilizeblir ise va sinka dimnarina bas sayakik mea vanburer.<ref name="ref4" />
==== Pauli W-ye ====
Lizukedambik ke nyobrikya, bate ayikye mal geja dimpir ise kalir da noglakoler. Pwadesikya trakur da batcoba tir gejafa waberga. Beka inye co gotir « nendasik » va toloya ayikya, pune tire va boera me tatcer.<ref name="ref7">(en) Hsu-Ming Teo, ''The continuum of sexual violence in occupied Germany, 1945-49'', Women's History Review, vol. 5, n°2, 20/12/2006, bu 191-218, ISSN 0961-2025, e-ISSN 1747-583X.</ref> Tise patopebik, va sovietik bal sinafa jonvielera paskaler aze erur da nyobrikya jupar da pwadesikya di mallanir vielu va sinka mea vanburer.
==== Petka ====
Petka tir tane taneafe sovietafe sayakikye boeyese va pwadesikya. Azon vaon toz kugdar, muxason maneke renar ise djuyerumar.<ref name="ref4" /> Radimida fayik koe kraba ke pwadesikya al rundanyad, pune toveon anton boger, dun ulirsir nume jontikviele relingar.
==== Anatoli ====
Anatoli tir sovietaf rikulik vey ukrainafa xanta, is taneaf fayik yaneyen gan pwadesikya ta tenutcera va jontika boera va ina. Pimtani ton ontinafe poikye « fakon levtiune » nek tizafe, wideyton tir vrodbarnik.
==== Mayor ====
Mayor ( [[Rossiava|rossiavon]] ''Майор'' ) tir weyustafe neciikye neke va pwadesikya djumilagir voxe me poar. Pwadesikye soe ikanaler kire va « nendara » wan olegar. Anatoli va tor is dzal pu irubasikeem ke kraba tiskar ise kali mallapira ke milk zavzagir.
==== Gerd ===
Gerd tir aguntanikye ke pwadesikya. Setikera va inye tir tani riafi neki tolpozilisi va pwadesikya. Wori, vielu kadimi mallapira ke sovietafa ervolia div wideytafa revava ke Berlin dimlapir, pune va vrutara ke pwadesikya is aryona ayikya va doboera beomar, dace duvuson va sina gu « mewerkafa vakolya ». Va widava bulur teka pwadesikya rogruper kase konviele di dimlapitir.
== Vuestexa ==
| |||