Amidaca wal toloya betara va "Alfonsina Storni"

27 octets ajoutés ,  il y a 2 ans
aucun résumé des modifications
Aucun résumé des modifications
Aucun résumé des modifications
== Blirizva ==
=== Rumeugal ===
Ini ba 29/05/1892 koe widavama ke Sala Capriasca koe [[Swiza]] koblir. Gadikeem tiyir vey italiaswizafa[[italia]]swizafa xanta. Vomi inafa koblira, gadikye va ekotiaxe koe San Juan koe Argentina al inkeyer. Bak 1891 nope gales uum do kurenya ko Swiza ugaloron dimlapir. Alfonsina koeon diretandon koblir aze kali balemda di blir. Bak 1896 yasa ko San Juan dimlapir aze va [[Rosario]] bak 1901 koirubar. Banlize gadikye va zazda koinker.
 
Alfonsina Storni va taneafa ezla moni santolda suter aze dun askir. Dene olda toz vayar voxen gadikye ba 1906 awalker nume ini pomoyatason va blidara ke yasa koe edjiiaxe gokobar.
 
Bak 1907 dulapera va stute jupar da ina va avlotcafa wenyafa lospa denfir nume koo varafa patecta di koyar. Va wenyaxa ke [[Henrik Ibsen|Ibsen]] isu Pérez Galdós isu Florencio Sánchez zirser. Bak 1909 ko Coronda lapir lize vayar enide di vanpir tavesik koe tawadayafa bema. Milugale mu ''Mundo Rosarino'' lizukafa virda isu ''Monos y Monadas'' isu targafa ''Mundo Argentino '' toz kobar.
 
Bak 1912 va [[Buenos Aires]] koirubar, aneyason va ayoltuca ke widavapa. Va kurene ayikye rungruper ise ve korenar, i va ayikye pimtatane gu « ''dulapaf korik plekovkiraf dene doda. Tiyir gaderopuson tegis...'' ». Bak mil ilanacek, va warzaf berpotam ko ''Fray Mocho'' virda sanegar. Ba tolsanda, kosmar da nope felusik nazber aze vanpir kaelafa gadikya. Va felura is tavera koe Buenos Aires blidar, lize seltafa is skapafa arga ke laumasa mialukafa pula ke Argentina va lolo sayudasik va ayikyaf rokeem koswad.
 
=== Suterotafa klepa ===
Alfonsina Storni tiyir tana taneafa ayikya tcedeyesa va ind ke suteroteem is wenya koe [[Argentina]], i va ind felin gan ayikye : nopeon va tanafa is tciamafa puda al voner, i va puda dikisa va pilkovafa zolonuca dene latinamerikafa ezlopa. Kore nope ezlaf grabomeem zo grupecker, soe dere veduyur ise wenyuyur. Storni jontikviele kevudason al trakurayur. Va jontike gedrapafe detce don gaderopa ik ikrayorda ik solkatcara va ayikya gimalyopayar. Banugale inaf grabomeem gu kon lizorack oku oxi va int me emaveyer. Oxam to viele witevaf lizor is abdilizor toz vreparleweyed pune nukevfiyir. Ini icde meordaf martig zo malyopayar ise wetce direwitevaf suterotik loviele zo kralayar.
 
== Dere rupec ==
206

modifications