Amidaca wal toloya betara va "Fertye ke Chatterley Oluya (suterot)"

Contenu supprimé Contenu ajouté
Seramikya (prilara | webekseem)
Aucun résumé des modifications
Seramikya (prilara | webekseem)
Aucun résumé des modifications
Conya 3:
=== Fertye ke Chatterley Oluya : Kakevda ke iba ===
 
Baroy siatos ke ''Fertye ke Chatterley Oluya'' gan Lawrence zo suteyed. Berpot grupen kan bat vergumvelt tir bareaf, i tel djutiyis parmaf num piskuyun bak bareaksat ke 1928, pokion abdi inafa muluftera. Inafa suterinda tickir zultafa. Tire, siatos tid baroya amidackafa neva, sinton suteyena ba konak solumaf aksat enide in jupar da abdumimaks di tulukrawer. Mivvexon zo suteyed, dem dof remay is yona arapenisaca. Meki krentki tir gundackafi, meka waka oltavafa. Balemoy idjaf koredik ke berpot ( &nbsp;Chatterley Olukikya is Clifford kurenikye, is tcabanerasusik yoltarus koe kot siatos, is Bolton W<sup>-ya</sup> akoliktcicesik ke Clifford &nbsp;) dere rustapad : ton yolt is seltaxanta is swavopa is tikireem.
 
Neva to anton bak 1960 koe Engla tere zo sanegar, nope jiz icde wolyuca tove Penguin Books piskusik nekitis va lana tenura va urayara. ''Fertye ke Chatterley Oluya'' tir ilamtafa brudira va altorena burena gan ezlopafa is nyabafa divrozara va englaf tawaday ke Midlands gola. Dere tir undera va tikireem wal ayikya is ayikye, jontolana gu brudira is siskavara va ikruca is alto is dere gijarotipafa is abdukafa iba ta romesira va ayikya...
 
« &nbsp;''Va milcoba kotviele gikobavé : tugariara is tutciamara va ilagira volsu tukinokara. Ise to bat berpot loeke al kalfí. Sedme jin, in tir listaf is krenugaf is rabetaf dum tele jine koe lebuca'' &nbsp;». ~ &nbsp;Twa ke Lawrence pu Nancy Pearn, 12/04/1927.
 
''Fertye ke Chatterley Oluya'' tir foredonesa renastuva wal englafa kurenafa oluikya ( &nbsp;Chatterley Oluya, dem « &nbsp;Connie &nbsp;» yoltam &nbsp;) is tcabanerasusikye ( &nbsp;Mellors &nbsp;), i nubedik vey tawa, abiceke sulemaf is tsunes va kurenikye ( &nbsp;Clifford &nbsp;), i va suterotik vices nope gejabakaks. Bata renastuva di tir razdasa va ikrarenuca ( &nbsp;tuletawesa &nbsp;) ke gradilikya, is maninde di skusa va inafa ikrafa gaara do bate « &nbsp;aalikye &nbsp;» is di tsentesa va inyona kinokaca isu birtey, jupason da ina va altopuve di kosmar. Mali sintafa adrefa grigovitara kali kotunafa katanara... Berpot va cenera ke rena va seltagvaveem dere kotgruparkotgruper, is ke alto va swava, is ke taneakik va underses trak.
 
=== Divrozasa gijarotiuca ke ikrarenuca kan tuwava ===
Suterotik va intyona pimtara va aalxo aname pilkot remlaniso gan Connie kevlanitison va fertye pintoton is ezlopapon al kobaver. Va adrefa divmodera ke kenibesa fentugalafa tuwava is ikrarenafa divmodara va inya batkane koaotcer.
 
« &nbsp;''Inya tiyir dum aalxo, dum orikafe tande dem persa is amlitafe ompe ke kunoy rumbeyes geilt. Miledje zveri ke jugemera koe birtaf derostap ke inafo alto kenibeyed ''&nbsp;». Lecafamuca rotir opelevafa ok tece arande soe kamamase ton gijarotiuca larde Lawrence va kuca dile klokinda laninde grugrister. Ruxaf is sulemaf trogarnind aultoveson zo malsaver, tulon koe bata pimtara va altokuca ke Connie : « &nbsp;''[...] inafo alto va mantukafa is otcesa kotruca co godiyir voxen koncoba graciweyer. Lodame ton acaf is otces livodeem co tulukraweyer, inafo alto tuazentaweyer ise tutianawemeyer. Dumede va dika awaltara isu idul al kazawayar ; tiyir lukoptamafo alto jaxipiskafo.'' &nbsp;»
 
Bene tuwava, pesteem dere zo dezur, i pezitca is uzatca... Pestalera va tuizakara pomasa da ina va intafo alto ilvulkuyuno az dace meuyuno gin jiligar. Kore lana ikasugdala va kipeuca ok volmivokuca kactad... « &nbsp;''Isen imwa batlize tigiyid, i imwa disa va colkam is tisa lorasa ok sionesa ik sustesa, jebepesa is blipisa... Constance debanyar, ton ge kev jotafa pailtega keveon yartedasa ise divulafa is terafa is gijarotifa blira ticfiyir. Bat blis plek ranyes, dem ontinuk ko awalt !''».
 
Dace koe altokafa nakila lize Lawrence va birafa ikasugdala femur : « &nbsp;''Edje inafa alto tiyir fenkuyuno is pibafo ise bro zurida nyedana gan kraytara zijnon ieyer, ware askison enide inye gire di dimniyir numen di zo romesiyir, to inya. Buktafa koe ske, nubagir. Ine va int mevaron malplekuyur numen ina va geiltany kalizis koe int satoleyer [...]''». Oken : « &nbsp;''Inya nutiyir dum bira, ton orikafa runta ticnisa is adeesa ton utardap, azen inafo kotrafo tapedafo alto toz liziweyer numen ina re tiyir welfa krafolmesa va orikafa is amlitasa flava. Ax, isen salon ice ina, suyaca ke bira rumbeyed ise lancukdivpaklayad, tanameson va abrotcafa dzavewesa runta ilnipisa, isen were idjon ice inafo alto [...]''»
 
Inafa nuyukafa bruxa nekiyir da Lawrence kali awalkera gu kral vas wolyus sutesik koe [[Engla]] zo duvuyur lize zo ilikatcuyur ise roton zo naruyur. Batdume al divbliyir.
 
=== Alto is swava : volnik ===
Kan kot inaf suteks ( &nbsp;''Women in Love'' ~ &nbsp;Yona renasikya, ''Sons and Lovers'' ~ &nbsp;Yone nazbeye isu fertik, ''Kangaroo'' ~ &nbsp;Kangurol &nbsp;), Lawrence va alto is ayaf tuwavaf sok ladimrokar, i va sok co vilan is co firugan gan swavarsafa is riewovgarsafa vanfira ke ikruca, sedme int. Inaf grabomeem va dimfira va « &nbsp;taneakafe baerde &nbsp;» waster.
 
In va kadira va diksuafa Engla ke 1920<sup>-e</sup> sanda batinde muxar. Nume rune berpot beonon suter va : « &nbsp;Prilara is flidera, i to batcoba tiyir zolonafa : renafa ilagira anton tiyir dimfira va aptatca is dace teca kalubera. Bata ikrafa arienta tickiyir tikira ke savsapafa is fordapafa levetiruca. &nbsp;»
 
Connie ton flintik ke anameon ewafa rebava kle zo atoer : « &nbsp;''Kimtafe Connie ! Remi kotbata tanda, to kivara va mekak koe blira va ine vanovayar. Grufa blira ke Clifford is tela inafa adre vanpiyid va kotaf mekak. Sinafa kurera isu tuvarana blira rigavana gu giltira is pulviyina koekuca konakviele vanpiyid vlardackafa, i tec mekak. Ewa, jontikote ewa, batcoba tiyir to kotcoba. Antafa geltraca tiyir mekak, is loeke ewafa murkuca. ''&nbsp;»
 
Arte berpot, Lawrence askiyir da Connie razdayane pu int kalir : « &nbsp;''Ezlopik is bettan tid to man rotaxasik ! Sin jupad da va pestaka fololegat. Voxe to va bata remrusa is trokesa is relkackafa altofamuca olegat. ''&nbsp;»
 
Askir da tan nik ke Clifford kalir : « &nbsp;''Ayikya djumer da zo karolar ise miledje mbi pulvir ise zo renar ise zo galper ; sedme jin, toloya coba tid merogucesa. [...] Me iltrakú da lava co gometir bateke pumasa. Ina icde abduca ilamaykar. Voxen tire ! Va ayikya albacká ise puon djukapulví, batdume vaon me rená ise me galpé. Numen sedme jin toloya coba tid merogucesa. Meviele miledje sosokid. ''&nbsp;» Volxuye nakilon gu taneafa kakevera ( &nbsp;wina &nbsp;) wal Connie is tcabanerasusik, suterotik al kiblar da ina sugdon gu lebamafo alto sokir. Gla kev drolena ayikya : « &nbsp;''Koe kuskam arte konaka bora, ayikye va int tcateyer, mevantrakuson da zo disukeyer. Tiyir lebafe kale kafkeem ; inafa leltafa arajda kevu nilaf welzeem bubeyer. [...] riliton bata bagala al tiyir teca cora : dace av ke inafo alto al zo pedrayar. [...] Kotunafa lebuca, batakafa is antiafa ke tisik ant blis is ant dace koeon. Isen kaike listuca ke karaf tisik. Me ug ke listuca mei dace alto ke listuca, vols rande, i idulafa is batakafa teyka ke antiafa blira nijusa ton merotuzan anamez : alto &nbsp;
 
== Dere rupel ==