Amidaca wal toloya betara va "Laptev Bira"

'''Laptev Bira''' ( rossiavon ''мо́ре Ла́птевых'' ) tir domafa bira ke [[Arktika welfa]]. Inafa taltefa kima tir ronefa krimta ke [[Taymir]] dega is Severnaya Zemlya (  ''Северная Земля''  ) ewaleem vome [[Kara bira]], isen geefa kima tir krimta ke Istefa [[Sibira]], isen ronefa kima tir Kotelni (  ''Остров Котельный''  ) ewala is Lyaxov (  ''Ля́ховский''  ) ewaleem vome [[Sibira bira]]. Inafa lentefa kima tir conya male taltuon Arktika evilma ke Komsomolets (  ''Комсомолец''  ) ewala (  uton ice 79° L- 139° R-  ) kale ronon Anisi evilma. Welma ke bata bira tir vas mon 672 000 km².

Inaf yolt tir ke [[Dimitri Laptev]] rossiaf vestasik isu [[Xariton Laptev|Xariton]], i toloy kosayik vestayas is liwotayas va inaf krimteem bak XVIII^-eafa decemda. Mialukafe aludeve tir vas 50 m- isen tele cugafe tir vas 3385 m-.

Bata bira va lavada ke [[Lena (kuksa)|Lena]] bostap ke ronefa Sibira dem arteon riskapa kazawar. Loon talteon, kene Taymir degapa abrotcafa reca ke [[Xatanga (kuksa)|Xatanga]] bost tigir. Bat toloy artexof tazuk tid lecaf gu arapeniwes salt nekin gan sibiraf bostap ko Laptev bira. Ban va lizukafa lidawicka loeke dere gotud. Arte mon 80 km- male Lena bost, [[Olenyok (kuksa)|Olenyok]] bost va Laptev bira dere konir.

Toloy ar bostap va Laptev bira artnid : talteon [[Anabar (kuksa)|Anabar]] is roneon [[Yana (kuksa)|Yana]].

Fereon tsentena gan sukarapa is noldotara, Laptev bira leve figaf lidawickacek fentugalon gitigir, voxen sel ik noldawaxa dere idulugalon dile dud. Bira tir tapanafa lokon gu tanda, voxen noldempasa tota va grifunera va Tiksi nelkaf molt ke bata bira poke artexo ke Lena ginoved.

Ke lizukaf fled, lempol (  ''Odobenus rosmarus''  ) is yona spedolinda (  ''Erignathus barbatus'' is ''Phoca vitulina'' ) trasit.