Amidaca wal toloya betara va "Mochica araya"

 

=== Awalt relida ===

Lowoesa relida ke Moche tid Awalt relida ( ''Huaca del Sol'' ) is Tael relida ( ''Huaca de la Luna'' ). Awalt relida tiyir tele logijafe dre kum tawot ke [[abdieuropafa Amerika]]. Gu loon 140 celemoya turodayana norka zo kolnayar ise re tir ekwafa gu lum vas 340 x 160 m- is ontinafa vas loon 40 m-.

 

Xanton tiyir gijapafa voxen krileem gan muta is jwatcabanesik zo kidayar. Tite batakafa ventapa Tael relida tisa vas lopinaf lum lenteon vanmadawer ; lekeon inaf azekos va konak kuk isu bonta giskiyir. Lopinafa relida kene dokotafa lentefa krimta vanmadaweyed.

 

Mochica saneik va nelkafa sanegafa kolna gu zultaf rebavaf lingeks al yunked. Jontik va gejafa tcedera ton moxinafa nakila volasa va gralomera va ebidunik az bastakara namidad. Lana nakila lingeyena keve trocadayxa va ebidunik vikeayan mu lorik dere volad, i lorik demumason kices is debanyes moe uskej tice relida.

 

 

=== Mochica trocaday ===

Trocadayaf trig isu tirac koe naboxa dere zo kotawayad nume va tciamafa giva icde blirinda ke bate sane dafud. Jontikote warzeyen kan cupasiki, keraf is batakaf trig va tazuk ke ayafa taka ok ayafa ik oretlafa vola ok sulem ok kaday ok zveri ok ruxa ok alkafa nakila ok xe vanikatcud. Mochica trocaday tir kotgrupafa gu geltrevafa pinta ise va konak lolistaf balumaks ke izva ke trocaday al warzer. Jontik trig tid lingeyen gu blizesa nakila yunkesa va migafa ok vieleafa blira dem gejik do daginik ik ayafa vikeara ik tcabanera ok layera. Bat fum burkon pokiraf askid da Mochica trocadayxa tid garifa yambaxa is yartes vrutaks va bata araya.