Amidaca wal toloya betara va "Vitus Bering"

Bak idulugal ke 1730 gindon gu [[Anna Ivanovna]], Bering ko Sankt Peterburg dimlakir voxe gan blodik ke gindaf toteem zo malyopar kire va amerikafa krimta me al wir. Soe va toleafa koyara lakoaskir. Inaf opelaf azed wori zo divatceyer. Lentefa Brinugapa ke Rossia (  1733-1743  ) tiyir opafa brinugapa nume va jontik daneks warolayar. Bering va mon kunoy sayakik is totasik ik rentasik is opik kabelcayar, do jontika yasa tori balemdafa koyara koo [[Sibira]].

Dirgaks ke Bering tiyid gefa totara keno taltefa krimta ke [[Lentefa Amerika]] kali 46^-eafa laksiwakafa eka ok domura va tawavo stujeno gan [[Espana]] ok kotara europafa gijarotiaca. Bewik ke brinuga gu balemoya tawavopafa taksa zo walmuneyed : 1) male [[Arxangelsk]] kale artexo ke [[Ob (kuksa)|Ob bost]], 2) azon kale artexo ke [[Yenisey (kuksa|Yenisey]] bost, 3) azon artexo ke [[Lena (kuksa)|Lena]] bost, 4) azon male Lena kale [[Tcuktci dega]] is [[Kamtcatka]]. Valey bata balemoya lospa, taksa ke Lugavafa Roneka is «  kotlafa  » taksa dem aneyasik govayas va siday ke Sibira, xuton gu toleafa brinuga van Kamtcatka kobayad. Bana brinuga noveyer da aultovesa ugaca isu giva di zo seotayad, ke tuwavafa izvopa is tawavopa is liwotopa is rawopa is mikropa is avopa, tazukon gu suteks is valdig lidam xa is muka. Boniasa orka ke stasa brinuga, trabe divlizera ke Rossiafo Gindaxo is kazafa aneyara isu koaykakafa, va mikropafa aneyara dukalina gan rossiaf dulap is opaf talpey ke kotlaf opik ke brinuga zo tufakayar.

Lentefa taksa ke brinuga va kipi ke rossiafa arktikafa domega male Arxangelsk kale Bolcoy Baranov evilma rone artexo ke [[Kolima (kuksa)|Kolima]] bost pimtayar ise liwotayar. Ba 20/05/1742 [[Semyon Tcelyuskin]] rikulik va evilma yoltatana poron gu int artlapir, i va ana lentefa uta ke Eurasia, isen [[Xariton Laptev]] isu [[Dmitri Laptev|Dmitri]] kosayikye va sibirafa krimta ke [[Taymir|Taymir dega]] kale Kolima bost liwotayad.