Amidaca wal toloya betara va "Teishebani"

'''Teishebani''' (  widava ke [[Teisheba]], i ke lorik va xefto  ) tir savsafa ralma ke [[Urartu]]. Va noelaf debak ke Kamir-Blur poke [[Yerevan]] koe [[Armena]] vadjer. Gan Rusa II gazik bak taneafa amu ke VII-eafa decemda AGJ zo vegeduyur, ikaplekutuson va bulura va Erebuni vageroneon tigisi arti abice decitmetre. Widava tiyir kelul ke lentefa winka ke Urartu gazaxo ise va emaxe va warzeks dotayan wetce danuks abdi graskera van [[Tushpa]] idja ke gazaxo zanudayar.

Wid bak -590 gan {{PYW kralgiva|Mada}} gejik vangluyayas gu {{PYW kralgiva|Skutoy}} sane zo olgalicuyur nume zo guineyer aze zo kalanteyayar. Batcoba is bunesa dugapa ke cofuoteem va videranya va rawaks ke debak pebud.

Divatce ke wid tiyir vas mon bar-sanoy decemiray. Zovdom al zo azedeyer numen sanelia zo inkeyer milinde batcoba koe [[Erebuni]] al zo askiyir. Ralma tice venta vamoe kuksa tigiyir. Inafe divatce tiyir gijafe gu mon balemoy decemiray. Kuskap isteon tigiyir lizo vansasik va ralma kolaniyid. Koeon mon 150 bonta tiyid : maxa is onya is nyofaxo is dere emaxo is olkxo is sinkaxo ta belcetara va koaykarsay dotayan ton danuks. Bana olkoba valente xe tigiyid. Woese ceke ke belcetaxoeem is gedrucapa ke katrasiyin warzeks (  zaipa is ilt is vor is punta is ekot  ) va triguca ke gola ke [[Aras (kuksa)|Aras]] krant bak sare ke Urartu vrutad.

Rebava ke anambe tiyid vafa gu mon 3 m- is ontinaf gu loon 9 m-. Kepaita kan ckane ke kovagalza zo vegeduyud. Lana rebava gu lenopa zo lingeyed. Ralma va zolonaf rawugol dem jontika trocadayxa isu iyekotafa kudja oku wulafa is iyekotafa imizxa isu azilafa al bilder. Va yon ristulaf valdig dere al razdar. Ralma va tanoy vegem zanudas va sokexo nudadiyir solve sidot va belcetara is skapafi fli (  onya is nyofaxo  ) nelkon zanudayar.