'''Ayanis''' tir ralma ke [[Urartu]] gazaxo. Ref lizuk tir yoltkiraf gu ''Ağartı Kalesı'' ise poke Ağartı wida, arte 35 km- lente Van koe ronefa Turka tigir. Ralma moe arestafa ventotsa arte 250 m- ticukon ice Van uzda tigir. Va vawa wal [[Tushpa]] is Erciş stujeyer. Bak -VII<sup>-eafa</sup> decemda moni -673 AGJ gazon gu [[Rusa II]] zo zabduyur ise gu ''Rusahinili Eidoru kai'' ( ''wid lente Eiduru mefta'' ) zo yoltayar enide gu milyoltafi [[Rusahinili]] ( Toprakkale ) zo waltrakuyur. Ayanis tiyir tana ralmapa ke Urartu ise lanedje dace tiyir kelu. Moe raporafa venta zo vegeduyur ise welma tiyir vas 400 x 150 m- vawale folkayenafa migexa. Gan ruftacek moni -650 AGJ ape zo vilayar aze me di zo malvegeduyur.
=== Joxara ===
Joxara remi 1989-1997 gadenon gan Altan Çilingiroğlu ke Ege kotla zo skuyud. Ke kosmakseem, tanoy rasekdopewa ( ''susi'' ) ziliyayana pu [[Haldi]] gazaf lorik zo divsidayar. Tan kosuteks ke bata dopewa va wetara va namulol poron gu Šelardi lorik va tael dere miwar. <ref> Zafer Derin: ''Potters’ Marks of Ayanıs Citadel, Van''. In: Anatolian Studies. 49, 1999, bu 85.</ref> Joxara va koak ke ralma nelkon avplekuyud. Batvieli welma ke seg vas mon 10% anton zo divsidayar. <ref>Altan Çilingiroǧlu: ''Recent excavations a the Uratian Fortress of Ayanis''. In: Adam T. Smith, Karen S. Rubinson: ''Archaeology in the Borderlands''. bu 201.</ref> Kosuteks tigis keve kolanixo ke brivakirafa dopewa tir tan losavsaf grupen ke Urartu. Koe burgifa elega zo balumayar. <ref>Altan Çilingiroǧlu: ''Recent excavations a the Uratian Fortress of Ayanis''. In: Adam T. Smith, Karen S. Rubinson: ''Archaeology in the Borderlands''. bu 205.</ref>
va wetara va namulol poron gu Šelardi lorik va tael dere miwar.<ref> Zafer Derin: ''Potters’ Marks of Ayanıs Citadel, Van''. In: Anatolian Studies. 49, 1999, bu 85. </ref> Joxara va koak ke ralma nelkon avplekuyud. Batvieli welma ke seg vas mon 10% anton zo divsidayar. <ref>Altan Çilingiroǧlu: ''Recent excavations a the Uratian Fortress of Ayanis''. In: Adam T. Smith, Karen S. Rubinson: ''Archaeology in the Borderlands''. bu 201.</ref> Kosuteks tigis keve kolanixo ke brivakirafa dopewa tir tan losavsaf grupen ke Urartu. Koe burgifa elega zo balumayar. <ref>Altan Çilingiroǧlu: ''Recent excavations a the Uratian Fortress of Ayanis''. In: Adam T. Smith, Karen S. Rubinson: ''Archaeology in the Borderlands''. bu 205.</ref>
{{TelizOzwaks_Nivaca1|
|ozwaks = Rusa kalir : « Bata venta tiyir plek, mecoba ayafa batvieli tigiyir. Va tumtaxo is ralma kotunon al vegedú, va warzafo voraxo isu iltaalxo al taplekú ise va boniaxo al zabdú. ~ Tena ke kosuteks tir dem gubefa rotapsara kev bettan co relvas va yolt ke Rusa is ikaon co plekus va dilintaf. ~ Haldi is lorik va ugal is awalt va in kalvilatad !!»
