Siatos ba 4 alubeaksat 2021 à 08:05 betara Seramikya (prilara \| webekseem) 1683 modifications bAucun résumé des modifications ← Darefa amidaca		Siatos ba 4 alubeaksat 2021 à 08:06 betara dimaskira Seramikya (prilara \| webekseem) 1683 modifications bAucun résumé des modifications Radimifa amidaca →
Conya 20: Kyo kle dimlapir voxe me grupé ta grielekara va debala va coba loon co rotaskir. Mali intafa forteyafa gomilara, luxeon Tchen va rontafa tegira adre tupakoar numen batcoba va vidura va tizuca is pisonara tod olegara sugdalar. Va rieta adjubesa va Tchang Kai-chek pu gadesik ke Komintern bam drager voxen ina en zo grivanovar. Soe metan va Tchen laweyonar. Va doevik idjon gu ristar gan ervolia ke roti djukuselusi va kevmadara katrasit, ~~isento~~isen to batviele Clappique kosmar da int is Kyo gan ardial zo kaaneyad ise zo dratced. Va Kyo deneon metigiso gu kalobrara giopon lawalzer. Givatason Clappique va ino ko zazda koe widava kakevetcar. Kyo is May dositikya ta kakevetca lanid voxen Clappique ba bartivack va erbetsa al kovefar. Va erba ta dodera va koyara num mallapira. Nume va kakevetca mevofason kelur. Tolonga gan ardial zo soper. Clappique mu sinafa tunuyara lavezur voxe me kiewaskir. Tire debala adre turotawer. Miledje Tchen rontion ixam taneatomon lagadjubeyes va Tchang Kai-chek jadiwik, banviele lomulon rietar : kserabilmara « ta lokase tcedera ». Soe Tchen va finges direm moi tel ke jadiwik moebidur nume bulfeson va mukot, mu mecoba xonuker. « Awalkera sotir levgasuca voxen ksera sotir tegira, ~ kaliyir. » Ferral va Tchang Kai-chek selus va vintera loeke luxeon djukuzober kiren trakur da batcoba va intyon erbadulap di rotukuvar ise va inafa gaderopafa gijarotiuca laumar. Do Valérie fertikya takakevetcara va Tchang lapir. Voxen gan Valérie zo tukipear numen kakevetca dilizejer. Ferral tere zavzar antaf voxe va yawara me batcer ise wan laner da va roti loeke tere watar. == Dere rupel ==

Amidaca wal toloya betara va "Ayafa gropa (suterot)"