Amidaca wal toloya betara va "Nevski ikpa (suterot)"

Contenu supprimé Contenu ajouté
Seramikya (prilara | webekseem)
bAucun résumé des modifications
Seramikya (prilara | webekseem)
bAucun résumé des modifications
 
Conya 5:
Berpotam kan pimtarapa va Nevski ikpa tisa nelkafa vawila ke Sankt Peterburg, is va amidafa tarilanira remi afizcek zo tozur. Pwadesik va ilamkuca is vertove ke bat tarias fled belcon krentar. Toloye yikye va int adre divtarid : '''Piskaryov''' weyustackaf is '''Pirogov''' testackaf. Mil toloy nik va sint solparsad larde kottol gan amidikya zo jekur numaze suzdar. Pwadesik va varafa suzdara ke Piskaryov taneon negar aze lipuskolon va tela ke Pirogov.
 
Piskaryov tir lingesik, isen batcoba tir riaca koe [[Sankt Peterburg]]. Inafa gojera kabdu tresexe star lize in di destar da miltanya brostayasa soe va int gitreser. Edje dene int ever, pune miltanya ta kulupaf rekodaf sielcek va in ganer. Viele fu razdar da tire me tir tresenik, pune Piskaryov divmoder nume vofar da klokeyer. Soe larde va lantanya ke modovara gu tela ke ageltuca abdualbar, pune tolwitison remi yona direfa safta va moda kotkane laiter. Bagalara dile tir fikuntafa voxe darpe ugal va in buver numen Piskaryov gorar da va ageltikya di tolwir, kare nelkot nekis da inya gu tresenuca zo steger nume tir kosafa. In lapebur da va ina djuyerumar numen va teldafa is celesafa blira belcon di vegedud. Voxen bantanya gan intyona refa tegira zo nunager nume va in balger. Piskaryov va int dimdenlanir aze kser. Metan va inafa kotawara tcoker, don Pirogov.
 
Dim vula viele toloy nik moe Nevski ikpa va sint solparsad. Pirogov tire tir rikulik (  korikinda riafa leon dam tela lingesikafa, cwe  ), i koredik envilkiraf gu intafi roti tove ayikyeem. Va in dene onya ke Schiller germanaf yantanyofasik. Gildat da ayikya suzdayana gan Pirogov tir kurenik ke battanye. Schiller tir grijaf ise va Hoffman nik dilder enide bantan va inaf pez fu gogaber. Bata djumera ke Schiller bumon rotir nutir rupama, voxe bilon gu larma do ''Pez'' berpotam mamar. Direvielon Pirogov va varzeem gu Schiller jafar enide va orka ta belafa auzura va kurenikya ke azilnyofasik di gir. Voxen bantanya tir prealafa gu abdugara ke rikulik. Schiller taneavielon gitir gracaf. Numen Pirogov bak to lan taneaviel va listikya laxaasir, taneon stutesison az lujon kutcason. Schiller onser nume do konak nik va Pirogov ustar. Yatkaf rikulik va int djujaxadar voxe lanlize lanison, pune va guivese lupiaxe luster nume va djukevaliera jovler.
 
Berpotam gan rontifa vezura ke pwadesik zo tenutcer, i ke pwadesik moganes da belisik va Nevski ikpa en di gonillanir kiren «  ina dun rotuxar  ».
 
== Dere rupel ==