Amidaca wal toloya betara va "Griruntara va Kulak"

Jontik tawadayik kev tegisik va tudonara is griruntara toz tizuckuyud. Dokobasik ke OGPU va laumasa ota dem tawadayikafa acagisa tsunera munesteyed. Bak taneaksat ke 1930 sedme birgardial, 402 exura ik flavafa exaksara zo patayad. Bak toleaksat, ota tiyir vas 1048 aze 6528 bak bareaksat.<ref>Werth 1997, bu 167</ref> Icde 1929^-e ilanacek isu 1930^-e, OGPU va varafa ota vas 22 &nbsp;887 « &nbsp;tueaftasi tegi &nbsp;» ozwar, viele mon 1100 kaatoesik ke soka ik pako zo xonukesiyid.<ref>Hildermeier 1998, bu 395</ref><ref>Viola 1996, bu 103–105, 108–110, vildeks va enkopaca ke OGPU icde danda is tazuk is ugalafa vonera va bata tueaftara isu darkafa tigira. Bazeckena ota dem klibunikeem tir vas mon 1200, bu 105.</ref> Widik yateyes golde griruntas dostak, jontikviele va ton blay sint tankotayad aze dratceyed ise va ''kolxoz'' diel dun tolgeniyid.<ref>Viola 1996, bu 176–179</ref> Koe konaka gola, koe tulon refa [[Azara]], sokafa vura dive winkaf widoteem atitsuyur &nbsp;; tawadayikaf blay va yona kotrafa widava dum Quba is Ordubad is Naxçıvan lajukostujeyed.<ref>Baberowski 2000, bu 632</ref><ref>Baberowski 2003, bu 706–708</ref> Koboda wal vertuma is tawadayikeem tuolgaweyer nume va « &nbsp;wupepesisa debala &nbsp;» nekiyir.<ref>Hildermeier 1998, bu 395</ref> Warzot icde glupafa acagira koe [[Ukraina]] is [[Kazaxa]] is idjafa gola ke Tcernozyom ik [[Sibira]] va kivara ke yon flibapik ke pako laumasiyid.<ref>Fitzpatrick 1994, bu 63</ref><ref>Viola 1996, bu 134</ref> Isti toleaksat ke 1930, Grigori Ordjonikidze bewik ke Politburo viley isu Mixail Kalinin va ritara eruyud, numen battan va abduaxa koe Ukraina miv arevlayar.<ref>Montefiore, ''La cour du tsar rouge'', bu 96</ref>