Amidaca wal toloya betara va "Smbataberd"

Contenu supprimé Contenu ajouté
bAucun résumé des modifications
Aucun résumé des modifications
Conya 2:
{{Teliz_toza}}
'''Smbataberd''' ( [[Armenava|armenavon]] Սմբատաբերդ ) tir savsafa armenafa ralma tigisa vageiste [[Xayastana]], valente [[XayastanaVayotsDzorWinka|Vayots Dzor winka]] wale [[Artabuynk]] wida isu [[Yeghegis (wida)|Yeghegis]] koe witafa [[Yeghegis| Yeghegis dota]].
 
== Debak ==
Sembataberd ralma tice guraf xed tigir, dem tuwavafa rojuxa moe baroy kril. Vansara va ralma anton tir rotisa mal lentef kril. Vegeduyune anambe va cuga dilfura remi izva tatceyer.
 
== Izva ==
Kijarinda is vegeduse ckane ( ton satcon pwerte ke rebaveem vas 2-3 m- kum burgifa ilbodeyena elega ) noved da va rekola ke zabdura rotentut, trabe ke X-XI-eafa decemda. Refa ralma gazon gu Bagratuni Smbat Tiezerakal rotir zo vegeduyur.
 
Smbataberd tiyir tana losavsafa is lozolonafa ralma ke Vayots Dzor is Syunik gola. Abdi V-eafa decemda rotir kruldeyer. Kaikion sayakafo is rojuso zobexo ke Vasakian prostelay tiyir. Gazon gu Orbelian prostelay zo migexayar.
 
Xantaf yolt ke ralma me zo gruper. Ref yolt rotir vey pokefo tigixo ke naboxa ke Smbat Orbelian gazik koe Yeghegis wida. Ostik dimvilara va ralma gu mil Smbat zo yoftecker. Soe yolt vas Smbat sersik ke Syunik ke X-eafa decemda loeke ape tikir.
 
{{TelizOzwaks_Nivaca1|
|ozwaks = « Viele bak 922, dirganon gan Yusuf sersik ke Atrpakan, Neser sayakokilik va Syunik gola kodubieyer, pune Smbat sersik va Yeghegis korojuyur. Viele volnik va po kev int is intafa merotisuca sonkeyer, pune dimavlayar.<br/>
Banugale Smbat proyik tiyir vumeltaf is aulaf koe intafa Vayots Dzor winka. Givanon gu stekefa artlakira, pune va sokexo is varafa Vayots Dzor winka volmiv folkayeyer ise trumindayar. Azon va ervolia kev volnik stakseyer ise va berma is aboyikeem koe Yeghegis wida gan gazafa virutsa rojuyur. »
|askisik = Stepanos Orbelian. Izva ke Sissakan gola
}}
 
Oye evla ke vilara va Tsaghats Kar tucpastaxe az inafa malvegedura bak 1221, voxis vilara va Yeghegis wida tici XI-eafa decemda, rolevaykat da ralma gan tolgeniso po ke turkaf Seljuk bak mila XI-eafa decemda dere zo nariyir. Wori lana bifa isu kira tiaved da ralma kali XIII-eafa decemda zo rojuyur nume gan mongolafa ervolia lodamu Seljuk rotir zo levrotiyir.
 
== Vuestexa ==