Amidaca wal toloya betara va "XayastanaVayotsDzorWinka"

Contenu supprimé Contenu ajouté
bAucun résumé des modifications
b Izva (tena)
Conya 28:
 
Mali -VIII<sup>-eafa</sup> decemda, Vayots Dzor refa gola tiyir ki ke [[Urartu]] gazaxo. Kaikion tiyir pak ke Armena gazaxo, tison utca ke Syunik winka.
 
Jontika uja isu tucpastafa belca isu teremtaxe wali X-eafa is XIII-eafa decemda zo vegeduyud ugale Vayots Dzor tiyir pak ke Syunik gazaxo.
 
Bak Mialukugal lesovawa va gola ke Vayots Dzor remlakiyir, tulon vawa reugale kagluyasa va Martuni widava isu Yeghegnadzor. Vayots Dzor va tano zolonafo tavexo ke mialukugalafa Armena bravayar, i va Gladzor kotla zabduyune moni 1280 gan Nerses Mush.
 
Rekola wali XV-eafa decemda isu XVII-eafa gu tela lodorikafa ke izva ke Vayots Dzor zo torigir. Gola vanpiyir meldxo wal tolgenis milk is turkaf ok iranaf grelt. Batenide jontika cugexa isu wida zo vilayad isen sanelia zo arbureyer. Gola radimion tiyir ki ke Naxçivan sersaxo isen yolt tiyir Daralagez kali 1918.
 
Bak taneafu acku ke XIX-eafa decemda moi rossiapersafa geja ke 1826-1828 is nope Turkmantcay tenusa bioga ke 1828, Vayots Dzor winka mal Persa kal Rossia mwaruyur. Bak mil ilanacek va Armena warzafo ristulaxo zo kowinkayar. Bak 1849 Yerevan bowexo don Vayots Dzor zo reduyur. Vayots Dzot keon vanpiyir utca bak 1870.
 
Wali 1918 is 1920 gola tiyir ki ke sedielafe sokasane ke Xayastana. Moi levrotira va patecta gan Sovietafa Tanara, gola kali 1921 is cenera ke ''Bolcevik'' roti acagiyir numen Vayots Dzor winka gu Seltevafe Sovietafe Sokasane ke Xayastana zo kodoplekuyur.
 
Remi sovietaf ugal, refa Vayots Dzor gola tiyir ton toloya utca : Yeghegnadzor is Azizbekov. Radimi volruptesuca, ristulafa zabdura ke 1995 va sina gu tela refa winka jeayar.
 
== Sanelia ==