'''Tushpa''' ( ref Van Kalesi, xayastanavon[[Armenava|armenavon]] ''Տոսպ'', ''Tosp'' ) tiyir kelu ke [[Urartu]] ise va Van Kalesi ref debak kene Van uzda koe ronefa [[Turka]]. Wid vanpiyir kelu ke Urartu gazaxo bak gazugal ke [[Sarduri I|Sarduri]] ( -834 – -828 AGJ ). Tushpa taneatomon koe kosuteks ke Salmanasar III {{PYW kralgiva|Assur}} gindik miwas va cenera va Sarduri zo ozwar. Tushpa wan tiyir idja ke Urartu remi toloya direfa decemda aze isti -VI<sup>-eafa</sup> decemda gan {{PYW kralgiva|Haxāmanišiya}} persik zo levrotiyir. Baravaf kosuteks ke Xšayarša I ( -486 – -465 AGJ ) poke ralma kene raporafa dzeta arte 20 m- vamoe sid zo rowir. Kosuteks riwe kotunon lapteyer. Tir dem baroy briz dem 27 conya ( talturonon ) suteyena kan savsafa [[Persava]] is {{PYW kralgiva|Babilim}} ava is Elam ava. To antaf gazaf kosuteks ke Haxāmanišiya tigis dive [[Irana]].
Bak -331 Tushpa gan [[Aleksandros o Megas]] ( -336 – -323 ) zo olgalicur aze vanpir digiks ke Seleukos gindaxo radimi inafa awalkera. Mali toza ke -II<sup>-eafa</sup> decemda tir digiks ke warzafo gazaxo ke [[Armena]]. Tir avap bak gazugal ke Tigran[[Tigranes II|Tigranes II Mets]] ( -95 – -54 ) beka warzafu kelu ke gazaxo tir talteon Tigranakert. Azon gola gan {{PYW kralgiva|AršakArshak}} prostelay kali toza ke alubeafa decemda RGJ zo bower. Koe izva va Armena ganon suteyena gan Movses Khorenatsi ( 410 - 490 ), widava gu Tosp ( xayastanavon ''Տոսպ'' ) zo yoltar.
Ralma tiyir abrotcafa gu 1050 m- is mantafa gu 50 m- ik 125 m- num welmakirafa gu balemoy iray. Moe arestoy kene Van uzda vamoe widava divetcefa gu mon 30 iray zo kolnayar. Ralma ke Urartu tiyir tela logijafa ke ralmeem ke Urartu num teza ta vegedura va telyona direfa. Nelkafa cugexa tiyir ''Lamone ke Sarduri''. Cugexa ilbodeyena koe rapor don konake slape dere zo katrasiyid.
