Lelia

Rupa

Stenio ezlik va Lelia d’Almovar kaikrenar. Yikya va daava is mejera ke kobrara lodam cotpuve lomegar kire, jotapafa, va volkalafa renara al blidar. Va Lelio renar voxe beldar. Va nik is odiaxik yoltkiraf gu Trenmor, ireglies xaltik, dir. Stenio taneon tir lickaf gu Trenmor. Soe vanpir nik viele va in gabuon gu beyolakolafa Lelia katrasir. Poman gan Magnus tucpastik dere jekupun gan Lelia, sin va in lagiwad. Yikya moblir. Arti tanaksatafa antiafa bulura, Lelia vanmia « tamava » dimpir lize va Pulchérie berikya memperablisa katrasir. Lelia pu Stenio walter da va in di kempar, voxe gu kakevetca va berikya ikastakser. Gripokoleno Stenio koe xida ke Magnus kser. Viele Lelia ta wira va Stenio pir, pune Magnus va in telomtar.

George Sand va berpot ke 1833 ta lokiewatrakurafa tena al fabdur : Lelia va tamaf selt koe xida al lajuredur. Stenio batliz katrasir. Do in flideper nume kser. Magnus bam vleper enide Lelia arti awalkera ko xidaxe co zo kobuder. Ba awalkera ke Lelia, Trenmor va in poke Stenio kotawar.

Yunkexa

Konak yunkeks va berpot gan Maurice Sand, 1867

Dere rupel

  • George Sand : Francavaf suterotik ( 1804-1876 )
  • Francavafo xanto, dene Wikisource : Lelia
Lelia
XANTO
Vergumvelt Lélia
Sutesik George Sand
Ava Francava
Suterotinda Berpot
Evla 1833/1835
betara teza
  Tuveli icde Suteroteem 
Lelia, piskura ba 1867
Lelia, piskura ba 1867