Tamavafa gadakiewega koe Muritania

Bat teliz va kot debak bendeyen dene Tamavafa Gadakiewega ke UNESCO koe Muritania otular.

Bak 2018, toloy debak ke Muritania tid ke winugafa vexala ke Tamavafa Gadakiewega : 1 arayaf is 1 tuwavaf.

Winugafa vexala

     Bat debak bevular iyelaf

	Ouadane, Chinguetti, Tichitt, Oualata	Welmot : km²
	Arayaf debakeem bendeyen bak 1996	Ludeem : (iii) (iv) (v)	UNESCO otuk : 750
	Debala : Adrar Winka, Hodh Ech Chargui Winka, Tagant Winka	Maneka :  20° 55' 44" L-, 11° 37' 26" T-
	Guazaf Ouadane folkwid isu Chinguetti isu Tichitt isu Oualata. Bat wid reduyun bak XI-eafa iku XII-eafa decemda ta paaslera va olegara ke teremta remlanisa va Saxara letaxo, wetce kazaxo is alkaxo, vanpiyid amuzexo ke islamevafa araya. Va widavafa layta buneyena wali XII-eafa is XVI-eafa decemda katcalon al nendoyed, dem pondakirafa mona licawesa keve vwepafa nudama aname mazjida dem lujoraf tuksuest. Va prostewafa blirinda bene alizmonafa araya ke sanelia ke taltefa Saxara vrutad.

	Arguin vedeyaf gerd	Welmot : 12000 km²
	Tuwavaf debak bendeyen bak 1989	Ludeem : (ix) (x)	UNESCO otuk : 506
	Debala : Dakhlet Nouadhibou Winka	Maneka :  20° 14' 06" L-, 16° 06' 32" T-
	Tigis kene atlantikafa krimta, bat gerd tir tadle dem laba is labaxo is wedafo krimtaxo is ewalama is dambaf mid. Soyutuca ke letaxo is blifa kuluca ke waza is minda va sidayaf is biraf patectoy ton burkaf kevaksap redud. Katcalafa gedruca ke lamasi zveri va fentugal koeon gitiskir. Va konaka birimbozinda is yaburol dere trasit, i va yaburol saven gan onasik ta kabaliera va priwa.