Arekta ke dritikye (suterot)
|
Arekta ke dritikye ( englavon The Adventure of the Engineer's Thumb ) tir berpotam ke Arthur Conan Doyle taneon sanegayan bak 1892 koe Standard Magazine virda az direilanon koe Yona stuva ke Sherlock Holmes berpotamak. VildeksBak 1889, Victor Hatherley lavopafe dritikye ton forteyotafa nuba is gabeyayana arekta den Watson selaropik artlanir. Bantel va eepta gasuper aze sin va Holmes belcon denlakid. In va bata divulapafa arienta lasumaer. Hatherley pwader da gan Lysander Stark vombikye wetce anelik al zo seger enide va lavafo xuvasiko meguyundeso rinder. Kakevetca bak mielcek koe gubirgayano xo abigon dilizer. Vombik pebur da xuvasiko ta raxivara va basksevasa kuritca zo faver, ise va belikafa tixoluca diner. Moi kaliaf rindera va ugol, Hatherley vangruper da su mbi rotuxar nume va ageltucafa tegira ke vombik djukugruper. Bantan va in bam lagaytar, jupason da xuvasiko selur. Neken Hatherley lajupotcer voxen inafa gumka iskeyena koe xuvasiko va mona firder. In ticu dilk grabler voxe va gelt drasur aze krezer. Gribindeyeson va impadimak kal London rundanyar aze den Watson waroldon lanir. Holmes kalir da vombik is blay tiyid epusik va rolatal nume Hatherley tiyir falaf kiren weti tanda ar dritik ton milkaf goaspil griawiyir. YunkexaKonaka yunkexa va berpotam, koe sanegasa virda bak 1892 : Dere rupel
Vuestexa
|
 Tana yunkexa ke taneaf piskuks va berpotam bak 1892 | ||||||||||||||||
.svg){kind=icon}