Areni (arula)

Areni arula tir betsava tice Arpa kuksa poke Areni wida ke Vayots Dzor winka koe Xayastana. Mila arula tir rawopafo joxaxo lize savsavafa vukuda az milsarefo vorafo xuvasiko zo kosmayad. Vukuda ke Areni Areni-1 vukuda Kosmara Debak mali 2008 zo joxar ise va konaka abdiizvafa muka. Loon katcalaf kosmaks tiyir tel va tanoya vukuda guazafa gu konaka decitda. Areni-1 vukuda tir leltafa vukuda guazafa gu 5500 tanda. Mila vukuda ton donaf sok batvielu tir tel loon savsaf kosmaks. Inafa klaa tir lofa gu konaka decemda kapbure vukudeem ke Ötzi abdiizvaf inseik trasiyin koe Alp rodega. Soe averdeem evlon gu tanoya kunda koe Oregon soka ke Tanarasokeem al zo kosmayar. Kosmara gan walvedeyafi soli gadeni gan Vedeyaf Opaf Cultim ke Xayastana zo skuyur. Vukuda ludevon ice ivamufa kela titsuyafa gu 45 cm- is dem anamkola vas 44 ik 48 cm- trovgon tigiyir. Leve empayana trocadayafa ekeda sareon gu Lutugal tigiyir. Empayana furutsa is yona deaxolnola pokeon dere zo kosmayad. Drunara Vukuda ba kosmara tiyir riwe spafa. Trakut da mana burkafa videranya tir nope fent is metisa abda koe Areni arula, is dere tigira ke vafa bada kum namulologola tegiyisa wetce tugilavaxa. Sarmapa dem videwenyeyesa denta isu olyuba oku kolote koe debak dere zo trasiyid. Vukuda tiyir dem werdki voxe rawopik me gruped kase yorda tiyir ta nendoyera va idulota ke nuga ok videra va tazukack ke vukuda. Cualeem dere zo nendoyeyer. Vukuda koe Izvatcilaxe ke Xayastana zo wonar. Tuvorara Joxara va miluntxo ta tuvorara al koafizad, i va miluntxo guazafo gu 6100 tanda , dem geakifo xuvasiko is kuritcaf blet is anameon centedorga is vanxomenafa vora, is dere tawoldaki is dace tanoya bilaga isu ulirekeda. Vuestexa

Areni DEBALA Debala Areni, Vayots Dzor Xayastana   Maneka  39°43′53″L-, 45°12′13″R- KIRA Ord - Sidopugal - Ayafe sare Lutugal, Iyekotugal Ontine ke kolanixo m- Grupene abrotce 40 m-   Tuveli icde Izvopa  Kolanixo ke arula Kelda van kolanixo Wiks male arula Debak bak 2012