Atitsura (suterot)
|
Atitsura tir berpot ke Émile Zola sanegayan bak 1892, i san-lerdeafa karba ke Rougon-Macquart yasa nevatum, ise tir inafa izvafa zoltera. VildeksBak geja ke 1870 toloy sayakik sinton tunad. Jean Macquart va delaf tawadayaf vodeem viwazer, solve Maurice Levasseur tir gruadik klokas va dubist co vanmecobas va avonana tamava. Belisik va sin suzdar kalida Dota ke Paris griuziar aze pizon jupar da sin sinton moliked. Atitsura : Sedan, atitsura ke gindafa Franca, zivolafa is avonana kev opafa swava ke Germana is durulafa lizibela ke dilintyona ervolia. Surtera az vandeblamera va Paris is reliezak ke Dotugal don gonilamakladana safta ke ruja ke Versailles roti. Tis sayakafa munestera tageltanyafa, i lenopa dem sugawalk is fortey is mejera, bat berpot dere tir drunara va sollipawera idjon gu donafa jiluca ke francikeem. Verlaine va bata neva albayar : « Rinaf grot va jin al bupesir ise nope galafa is belikafa mafelasa kranavera al yartesir. » Kranavera lente mejera ke mezolonik staksen ko nokodara, a benplekura is werk, mo xuyavosana kelda, i kranavera lente wawuca nekiyisa va bata geja ke 1870 silukon azon nekiyisa va Dotugal ke Paris. Voxen dere mafelara va alaakafa nakila is xonukera ke Rochas rikulik anamplekun gu nilt dum koxawa, isen gradilafa vajikera ke Margueritte vastora, isen bocafa doaliera kan fluga bak Dotugal wal Jean Macquart tawadayik is Maurice vinteyes parisik. Koe bat veyironokaf berpot ke Rougon-Macquart yasa nevatum, atitsur ke lane sare tauler. Zola djuwalzeyer : « Tanoy atitsura to staper. » Dere rupel
|
 | ||||||||||||||||
.svg){kind=icon}