Ballena vedeyaf biragerd

Ballena vedeyaf biragerd ( espanavon Parque nacional marino Ballena ) koe Puntarenas winka kene pacifikafa krimta ke Costarika. Bat vedeyaf gerd tir welmaf gu 1.10 km² moe siday is 53.75 km² ke minda. Kan kexi ( n° 19441-MIRENEM ) ba 14/12/1989 zo kizeyer. Gerd va worara ke megenol bak sinafa lamara ta nazbalkera mal fentafa bira ke lentef alpoz van grocela ke Costarika wali santoleaksat is balemeaksat gikazawar, is volson mal fentafa bira ke geef alpoz van Costarika wali pereaksat is santaneaksat. Nelkafi ki ke gerd koe biraf ind kle tigir voxen inafo konendaxo vas enk dem piludanya ( tulon Ballena is Bahía Uvita is Piñuelas ) ruldar. Lozolonafa sidayafa sumpasaca tir zaxoda wale krimta is pistafa ewalama sobesapana remi ontinaf kraytacek vox tisa xonyo ta nuyafa estobara bak omaf kraytacek kiren raporka va ringucanya ta dizvera va kabay noved. Wigay va gerd ba titawaltara Ballena gabot Piñuelas piluda Uvita piluda Uvita piluda Zaxoda male siday Zaxoda male bira Emudexo ke gerd Vedeyeem ke Costarika ► Vedeyaf gerdeem ke Costarika Vuestexa Winugafo internetxo Ballena vedeyaf biragerd Afigasuteks va gerd koe Ballena gabot

Ballena vedeyaf biragerd Vedeyaf gerd DEBALA Patecta Costarika        Winka Puntarenas Maneka  9°05′31″ L-, 83°43′56″ R- Welmot 53.55 km² RISTULA Ord Vedeyaf gerd UICN loma II : Vedeyaf gerd UICN otuk 30595  Redusa evla 14/12/1989