Batakatakaf trimez (Haliaeetus leucocephalus)

Batakatakaf trimez Haliaeetus leucocephalus
blisa katca / zveri
giltafa pulara
Bliind	Animalia
Dansok	Chordata
Pula	Aves
Veem	Accipitriformes
Yasa	Accipitridae
oxi
Haliaeetus
-
katca
Haliaeetus leucocephalus
Linnaeus, 1766 kira Abrotce   100 cm- Wiltade 200 cm- Ault - Aldo 3-6.5 kg- Sinka kabay
Tuveli icde Sulemopa

Batakatakaf trimez ( Haliaeetus leucocephalus ) sotir katca ke Trimez oxi.

Tigira ke katca koe tamava      Tigira bak antaf lamarugal     Tigira anton fentugalon     Tigira anton idulugalon     Tigira remi kotafa tanda

Ie ke batakatakaf trimez

Batakatakaf trimez kene krimta is uzda is kuksa ke Lenteamerika anton soblir. Wetce erbilok ke Tanarasokeem zo vanikatcuyur.

Trimez sotir tcabanesik is onasik gempaf kapbure aryona katca, ise va volblis ok akoles kabay nelkon gralomer, ik kabay laxupujes ko dambafa lava daykatason va atoeem. Bas flaweza va kabay dile levtiolter, mazukeson bak inafa talara vieli wivga di zo ilnarir.

Toloya apta krulded, bata koe yona lentefa is istefa soka is bana koe Alaska is taltefa Kanada. Sanelia ke Florida fentugalon sonazbalker ise van idulafa soka lenton gidivlamar solve tela ke Sanelia va awalkaf termil ke Pacifika Welfa benelon somalestur. Gelkeon tis jontik, bata kiizinda nope tcabanera is ratatoraxa koe istefa ik geefa soka ke Tanarasokeem al turiawer. Cwara va atoeem, oton gu tola, koe begamapa koe aal gidilizer. Trimezoc ke bata katca va batakafa taka ordafa gu milgik me did ise va balemda ok alubda abdi diskira va parmaf bruxeem di ked.

Afigasuteks

• 
  Milgaf trimez
• 
  Taka ke trimez
• 
  Trimezoc
• 
  Toloy trimezocam
• 
  Talas trimez
• 
  Talas trimez
• 
  Trimez malestus va cot ke megol
• 
  Begama ke trimez
• 
  Ato ke trimez

Notraca

Pulasa vuestexa is klita

• (en) vuest- : Walvedeyafa Zveriopafa Aba : Haliaeetus leucocephalus is Accipitriformes
• (fr+en) vuest- : Avibase : Haliaeetus leucocephalus
• (en) vuest- : Animal Diversity Web : Haliaeetus leucocephalus
• (fr) vuest- : Oiseaux.net : Haliaeetus leucocephalus
• (en) vuest- : UICN : Haliaeetus leucocephalus (Linnaeus, 1766)
• (en) vuest- : NCBI : Haliaeetus leucocephalus
• (fr) vuest- : CITES : Haliaeetus leucocephalus is Accipitriformes
• (fr) vuest- Paleobiology Database : Haliaeetus leucocephalus (Linnaeus, 1766)
• (en) vuest- : Alan P. Peterson : Haliaeetus leucocephalus is Accipitriformes

Ara vuestexa

• Batakatakaf trimez (Haliaeetus leucocephalus) dene leucocephalus Wikispecies