Belira gan Verhaeren (trutca ke Van Rysselberghe)

Belira ~ Belira gan Verhaeren (IT)

Belira gan Verhaeren ( francavon La Lecture ) tir trutcapa lumkirafa gu 181 x 241 cm-, i puntalingeks keve stama skuyun gan Théo Van Rysselberghe belgaf lingesik bak 1903. Bata trutca koe Museum voor Schone Kunsten tcilaxe ke Gent koe Belga ( 2018 ) tigir. Watsa Bal gestafa katanara koe kraba ke Saint-Cloud ( Franca ), Émile Verhaeren ezlopik va divokseks ke grabom belir. Zikexa va yambafa is suterotafa adala ke bat seltomaf delt drigdar : dem nevakirapafa varba is kudjot ke Auguste Rodin is kawarzeks va Delt va thomas Carlyle gan Whistler is Moe abade gan George Minne. Bat seltomaf delt tir evlaf gu 1903, voxen tozurafa rieta ke bat bitonaf buneks tid ke abdifa barda. Van Rysselberghe va skura va trutca kan konak zovdaks is lingeksam al abdiegar. Belira tir tane ontine ke deltafa yamba is bunese ckane vokeyene gan Van Rysselberghe. Kan windena lingera is pofa ksevara, inaf martig ton ilkafa arapenira va direliteva zo ruyer. Trutca ton izvafa vrutara va arayafa gluyaxa wal Franca is Belga moni decemdarura dere zo robelir. Kaatoeyen korobutik koe trutca talturonon tid : Félix Le Dantec az Émile Verhaeren ( kerakoron ) az Francis Vielé-Griffin az Henri-Edmond Cross az André Gide az Maurice Maeterlinck az Félix Fénéon ( lukoptakoraf, ranyes keve keldega ) az Henri Ghéron ( ranyes kake rova ). Stragela

Belira gan Verhaeren La Lecture (FR)  Yambik Théo Van Rysselberghe  Evla 1903  Ord Lospaf delt  Lingerinda Puntalingeks keve stama  Lum 181 x 241 cm-  Tigixo Museum voor Schone Kunsten tcilaxe, Gent ( Belga )