Betayes unenik (suterot)

Betayes unenik Betayes unenik ( englavon The Adventure of the Stockbroker's Clerk ) tir berpotam ke Arthur Conan Doyle taneon sanegayan bak 1893 koe Standard Magazine virda az direilanon koe Namio ke Sherlock Holmes berpotamak. Vildeks Edje Watson selaropik va nobara ke bifotaf anelik den ilput ker, pune Sherlock Holmes auzur aze erur da Watson ko Birmingham ta warzafa arienta titisa dulapapafa doon di pir. Watson me klabur nume tori arak ke kielcek va ilput buder aze va kogrupasik dositar Koe impadimak kal Birmingham, Hall Pycroft anelik ke Holmes dositas va toloy nik ko stuva, pu Watson pebur da divulafa stuvaja ugalayana. I yikye kobase koe erbind va une weti konak aksat nope konjera ke unes omelt al drasuyur. Edje stilarugal va blira toz tuwavdayar, pune va une dene Mawson & William's betayesu sistu trasiyir, i targafu sistu zolonon djuprokubasu. Wori, bak mil siel ke kazawara va twa daktesa va bata segera, gan lane ayikye yoltkirafe gu Arthur Pinner is tise betayesik zo auzur. Bantan va are une loeke viroyane drager. Pycroft va mana cugunaykafa abduplekura iltrakur voxen Pinner va abduga vas 100 £ tufonkatason bulkar. Pycroft mea klabur nume vilter... voxen arti konak kobas viel, lana liza va in evodad nume va vartaf londonaf kogrupasik djukugukoer. Yunkexa Konaka yunkexa va berpotam, koe sanegasa virda bak 1893 : Dere rupel Arthur Conan Doyle : Englavaf suterotik ( 1859-1930 ) (en) Betayes unenik, dene Wikisource ( xantokrent ) Vuestexa

Betayes unenik XANTO Vergumvelt The Adventure of the Stockbroker's Clerk Sutesik Arthur Conan Doyle Ava Englava Suterotinda Berpotam Evla 1893 betara teza   Tuveli icde Suteroteem  Tana yunkexa ke taneaf piskuks va berpotam bak 1893