César Cascabel (suterot)
|
César Cascabel tir stuvaf berpot ke Jules Verne sanegayan bak 1890, tis tana karba ke Yona zultafa koyara nevatum. VildeksRadimida Cascabel yervafa yasa al vanpir tufakirafa, pune va Amerika djubulur ise koe vofa Normanda djudimlakir. Goxe gan toloy tozekik mbi dubied nume va dro ke remlapira va Atlantika mea djupododer. César yasokilik gorar da ina kal vo remo Bering vedil moo opra az koo Sibiria az Rossia kan vati fu lakir. Koyara tir dem jontika gedrafa regala. Yervafa yasa va lan reyunik tis Narkin biptikye is Kayette jotafa indiikya koemuder. Voxe remlakira va opruk nijur iyelakirafa. Vati gan dantalesi opraki zo narir nume mo Lyaxov tursia tere xeyer. Banlize gradilikeem gan patectolaf grelt zo gralomer. Tuke djasta ke César Cascabel, va nuyuca di katrasir. Miledje toloy tozekik relingayas va Narkin skujed enide gu gindaf ardial di robilded. Kaike Ural rodega, Perm widava zo artlakir, lize rega ke Cascabel va disukexapa firvir. Bal ferimafa zatcezasa nakila, Cascabel va bat toloy tozekik volmiv soper azen zo givat da Narkin biptik su zo emnagar. Bantel va giwasik gabler. Inafe taneafe nazbeikye va tubronazbeayane Kayette kurer. Cascabel yasa va Normanda di lakir lize parmon koirubar. YunkexaKonaka yunkexa va berpot, koe piskura ke 1890 Dere rupel
Vuestexa
|
 Moek ke taneaf piskuks va berpot bak 1890 | ||||||||||||||||
.svg){kind=icon}