Cepta
|
Cepta tir yantafa olkotca loviele yantafa disa va abrotcaf tazuk is zanudasa va belcafa titickara va toloya xa. Tir dem azekafa ekwa dile tumantayana az idja az uulotsa. Cepta gan ceptiasik zo epud. IzvabetaraTela losavsafa cepta koe Mesopotamia zo katrasiyid. Va titickara va lutaf toaz bene lana kudja evlon gu 3500 tanda AGJ zanudayad. Mali Savsugal zo kagruped isen Omeros va cepta ton tarida kum olginta tanasa va toloy azeb ozwar. Romik va azilafa cepta epuyud, udatason va sayakikaf vukudeem. Bak Mialukugal cepta gan ceptiasik malimpas va azilafa ridja koo artigtum dis va illaumasa xakoba nubedon zo epuyud. Banugale cepta tiyir yarlaca, batdume tulon rentasik va tarida abdualbayad. Taneaf ceptias foalk bak 1786 koe Tanarasokeem gan Ezekila Reed az bak 1790 koe Britana gan Thomas Clifford zo psoleyed. Koe Tanarasokeem kodolera va degutafa cepta va ticfira ke vedegura kan gamdafe dre yoltkirafe gu Balloon frame noveyer. Jadion ceptara va prostewafa nuva ta belcera kum inta loviele di ikaplekuyur. KirabetaraJadion ceptekwa gan myelga zo tazer enide idja ko taneafa olkotca di zo titplatir, ton otsa tudrikasa va konira. Tazera kali feracka va taneafa xa is varafa konira va idja ke toleafa xa wan zo askir. Teni bata bocafa sopura, rotorigit da toloya xa tid belcon titickayana numen bata gu bana al zo ceptar. Vuestexabetara |
| |||
|
 Titickaxa
|
|---|---|
| Grunsakirafa |
Zarla • Ribakorafo kilbo • Tevkrilafo kilbo • Brawesk • Grunsaridja • Suola |
| Grunsiskafa |
Cepta • Asmi • Wirioza • Terafi anamkuri • Ludzekirafi anamkuri |