Chinchiná

Chinchiná tir dota iste Kolombia, vagee Caldas winka, koe Centrosur utca. Chinchiná arte mon 20 km- getalte Manizales tigir. Izva Chinchiná bak 1857 winugon zo zabduyur, gan boniasik ke Antioquia winka. Abdion vema tiyir tawavo ke Quimbaya patectolafe sane. Bak 1985 divlankerapa ke Nevado del Ruiz tculk va jontika ugotafa traspuxa nekiyir. Tana va Chinchiná kuksa isu krant kenniyir nume va konako monaxo ke dota kalvilayar. 3000 korik koe dota xonukeyed. Sanelia Varafa sanelia ke Chinchiná tir vas 51 280 irubasik otulayan bak 2016, don 45 908 koe widavafa widega is arak koe konako monaxo. Skapa Nelkafa skapafa tegira ke Chinchiná tir fadxo is fadafa raba. Moe tawavo ke dota lavatraliaxe dafuse va winka dere tigir. Tamavafa gadakiewega ke UNESCO Chinchiná tir tana dota vawale anamez ke Arayaf fadaf patectoy ke Kolombia ( espanavon Paisaje Cultural Cafetero de Colombia ) bendeyen bak 2011 wetce arayaf debak ke tamavafa gadakiewega ke UNESCO. Ewava Uja is Bolívar viga ke Chinchiná Bolívar viga Ridaf wiks va Chinchiná Wiks va Chinchiná Fadxof patectoy koe Chinchiná Fadiaxe Ceiba revava, Chinchiná Nuda ke Chinchiná Savsafa golda ke Chinchiná

Chinchiná RISTULA Patecta Kolombia   Gola Caldas winka Welmot 112.40 km² SANELIOPA Sanelia 51 280 ir- (2016) TAWAVOPA Maneka  4° 58′ 50" L-, 75° 36′ 27" T- Ontine 1378 m- LAPIRA, LIZIBA Bira, kuksa Rid Kelot Vawa Debala ke Chinchiná koe Caldas winka Arayaf fadaf patectoy ke Kolombia Tamavafa gadakiewega ke UNESCO DEBALA Tawavaf seg Geefa Amerika Patecta Kolombia        Winka Caldas winka Risaralda winka Quindío winka Valle del Cauca winka Maneka  5° 28' 19" L-, 75° 40' 55" T- KIRA Ord Arayaf Ludeem (v) (vi) Debakaf otuk 1121 Bendesa ilana 2011 ( 35-eaf frugot ) Welmot 1141 km² Winugafa pimtara ke UNESCO Arayaf fadaf patectoy ke Kolombia. Tir burkafa tula ke tanaf arayaf patectoy warzesaf is jijasaf volanyas va lana prostewa vanpiyisa lecapa koe Kolombia voxis aryona fadafa gola koe tamava. Kiewega vas tevoy midus patectoy is san-anyustoyo widavaxo tite briaxo ke taltefa jaka isu istefa ke Andes rodega vatalte patecta ruldar. Va decemdafa prostewa ke fadafa midura moe wasarnayana tayama ke ontinafa aala, is va zalerinda va vakorkirafa meftavfa anameda skuyuna gan tawadayik tcazedar. Widavaf gabot nelkon tigis moe azekexa tice bria vamoe fadxo tid adalaf gu vegeduropa ke Antioquia boniara turestayana gan espanaf martig. Vegedus ugot tiyid aze koe yona vema wan tiyid kum lensada is tronkayana botada ta tazukara va rebava isen tadle ke kepaita tir kum kuritcafa mikiya. (en) El Paisaje cultural del café de Colombia. Es un ejemplo excepcional de paisaje cultural sustentable y productivo único que representa una tradición que representa un símbolo poderoso tanto a nivel nacional como para otras zonas cafetaleras del mundo. Incluye seis paisajes cafetaleros y dieciocho centros urbanos de las cadenas occidental y central de la Cordillera de los Andes, al oeste de Colombia. Estos paisajes son reflejo de una tradición centenaria consistente en cultivar en pequeñas parcelas de bosque alto y del modo en que los cafetaleros adaptaron el cultivo a las condiciones difíciles de la alta montaña. Las zonas urbanizadas, en su mayoría situadas en las cumbres de las colinas, se caracterizan por una arquitectura creada por los colonos procedentes de la región de Antioquia, de influencia española. Como materiales de construcción se utilizaron materiales tradicionales, tales como tapia, bahareque (cañas trenzadas) para los muros y tejas de arcilla para los tejados. Algunos de estos materiales persisten todavía en algunas zonas. ~ UNESCO website, licence CC-BY-SA IGO 3.0 Tamavafa gadakiewega ke UNESCO koe Kolombia Arayaf debak Izvaxo ke Santa Cruz de Mompox • San Agustín rawaxo • Tierradentro rawaxo • Arayaf fadaf patectoy ke Kolombia • Molt is ralmeem is cugexaxo ke Cartagena • Qhapaq Ñan Tuwavaf debak Los Katíos vedeyaf gerd • Malpelo ewala Aotcaf debak Chiribiquete vedeyaf gerd