Claude Gueux (Claude Jastrik) (suterot)

Claude Gueux (Claude Jastrik)


Claude Gueux (Claude Jastrik) tir berpotam ke Victor Hugo sanegayan bak 1834.

Vildeks

Bat berpotam pu Victor Hugo gan ageltafa bifa zo koswayar. Claude Gueux en tiyir xonukalanzanik isen sutesik va inafa kokustoara pwader. Weti tolda abdi sanegara va neva, ageltucaf Claude Gueux nope aytara va Delacelle W-ye zo xonukalanzayar, i va tilik ke askedaxo ke Clairvaux flint.

Zovdaks ke Alexandre Steinlen va Claude Gueux, 1902
Zovdaks ke Alexandre Steinlen va Claude Gueux, 1902

Buntun gu pisonara, Claude Gueux berpotkoredik tir jonkriltikye num ergayesik va belisik. Tire ton kontesik nekis widlik rodefaskis va lorote belcon zo atoer. Inafa udutuca mialodackon zo munester nume nutir gubeaca. Sutesik va exonera va tiki wal belisikeem is tel koredik ektudapar larde rieta is bokera ke Hugo to kan bantan is inaf zalor fu zo kametcad. Batdume Claude Gueux va lana rofolinuca gonurlicker, numen batkane divnedison va inafa nartuca, sutesik va pomkuca pu intaf koredik taruter nume koton me rotuvolgunar. Koredik tir « grupaskis is deksaf is gruf nek jontikeke gaajayan vox buelenyeyen gan tuwava, is megrubelis vox grutrakus ». Va « takanya dem ginuke ke intafa varafa ilka dir, ise va pilkovafa rictela tove dositikeem dikir ; al vanpir gloga is mwa is vura ke askedaxo ». Va dugeem ke turestikye kle dikir : po is buivera is miniera voxis uiveuca is gruuca, adim Claude Gueux meinde tir saan gradilik vols ikseyen zugaf snavol. Kenion vanyer ton porafa pestapa is olukafi rali, bagalion tegison is melorkason va vodeem. Va sane bagaliafe is ronkafe is inafa mejera tameon kaatoer ise gu iteem ke belisik tucuynason divnedir.

Dere rupel

  • Victor Hugo : Francavaf francaf suterotik ( 1802-1885 )
  • (fr) Claude Gueux, dene Wikisource ( xantokrent )
  • Claude Gueux (Claude Jastrik)Claude Gueux ), kalkot- 2013 gan Élisabeth Rovall, banliz
Claude Gueux
(Claude Jastrik)
XANTO
Vergumvelt Claude Gueux
Sutesik Victor Hugo
Ava Francava
Suterotinda Berpotam
Evla 1834
betara teza
  Tuveli icde Suteroteem