Clovis Dardentor (suterot)

Clovis Dardentor Clovis Dardentor tir braf berpot ke Jules Verne sanegayan bak 1896, tis tana karba ke Yona zultafa koyara nevatum. Vildeks Marcel Lornans is Jean Taconnat kosayikye vane Jazaira va int kototad, xialason va viltera va boniasa ervolia. Moe mila tota, Désirandelle kurenikeem tis avinkaf glastedik tir, do Agathocle kazokevese va Louise Elissane direfa aguntanikya ko Oran. Clovis Dardentor savsafe rabikye ke Perpignan dere tir, i axigik digis va tufacka. Nafa skedara wal bantan is toloye yikye zo layed. Ba artlapira, Dardentor va Marcel is Jean pu Elissane yasa atoer. Louise gan mempera ke Marcel ika aguntanye kalion zo levrotir. Tire Agathocle tir vodiskafe gu kotcoba don durimuca. Jean va lana rieta luxeon linver : giwara va bli ke Dardentor enide gan bantan di zo tubronazbear. Va zeitafa katecta lasuredur, voxe balibeonon to Dardentor gradilur, giwason va Marcel az Jean. Bantan me jupekar kiren to Louise va krapol dratces va Dardentor aytar ise vanpir inaf bronazbeik. Azon va Marcel kurer. Ant Désirandelle yasa di tir yatkafa is muteskafa aze dimlapid. Koredik Clovis Dardentor : savsafe miluntiasikye, 45-dafe Marcel Lornans : 22-dafe Jean Taconnat : inafe kosayikye, 22-dafe Louise Elissane : 20-dafa Elissane W-ya : inafa gadikya, nyobrafa Désirandelle W-ye : 55-dafe Désirandelle W-ya : inafa kurenikya, 50-dafa Agathocle Désirandelle : sinafe nazbeikye, aguntayane gu Louise Elissane Patrice : kwikye ke Clovis Dardentor Bugarach redakik : dirgasikye va Argelès tota Bruno : selaropikye ke Argelès tota Moktani : nyapesikye Yunkexa Konaka yunkexa va berpot, koe piskura ke 1896 Dere rupel Jules Verne : Francavaf suterotik ( 1828-1905 ) (fr) Clovis Dardentor, dene Wikisource ( xantokrent ) Vuestexa

Clovis Dardentor XANTO Vergumvelt Clovis Dardentor Sutesik Jules Verne Ava Francava Suterotinda Berpot Evla 1896 betara teza   Tuveli icde Suteroteem  Moek ke taneaf piskuks va berpot bak 1896