Diveik (suterot)
VildeksamTaneaf pak : awalkera ke gadikye is gomilara va arabikyeBa awalkera ke gadikya, Meursault ko guazikye lapir enide va inafo alto di rubar aze ware tis brunaf, va caxateixa eldeon radimlanir aze tere dimdenlapir, cuesiyin gan bat vielcek tiskiyin koe belkesis idul ke Aljazair. Arti tolka moe piluda va Marie yikya kakever aze vanpir fertik. Meursault va intafa vieleafa blira ton lia straga batviele divrozar : arga ke taneaviel is cuera is vikizasina ruseta is intafa gasitafa blira ke bazaxof unenik is vegungik ke bedablo, i tulon guazikye gilaliese va inaf vakol. Raymond Sintès are vegungikye va in ta tenekara va lana arientara va berikye ke intafa arabafa fertikya pomadar. Meursault malnaler voxe va taneafa likera me paker aze va toleafa taruter ; voxaze va dierk ke Raymond bam koilkar aze mo piluda anteyana gan awalt dimlanir ; va lavak ta grisiputera aneyar ise va tan arabik boyuker. Tuwiiskanon gan awalt is sizunta ke wed ke volnik, olyastenon gan idul pastas ko tacokese is kustofe tame, va mil arabik viltar aze ko mebliso alto balkon gire basvajoter. Ba awalkera ke gadikya, Meursault ko guazikye lapir enide va inafo alto di rubar aze ware tis brunaf, va caxateixa eldeon radimlanir aze tere dimdenlapir, cuesiyin gan bat vielcek tiskiyin koe belkesis idul ke Aljazair. Arti tolka moe piluda va Marie yikya kakever aze vanpir fertik. Meursault va intafa vieleafa blira ton lia straga batviele divrozar : arga ke taneaviel is cuera is vikizasina ruseta is intafa gasitafa blira ke bazaxof unenik is vegungik ke bedablo, i tulon guazikye gilaliese va inaf vakol. Raymond Sintès are vegungikye va in ta tenekara va lana arientara va berikye ke intafa arabafa fertikya pomadar. Meursault malnaler voxe va taneafa likera me paker aze va toleafa taruter ; nekaze va dierk ke Raymond bam koilkar aze mo piluda anteyana gan awalt dimlanir ; va lavak ta grisiputera aneyar ise va tan arabik boyuker. Tuwiiskanon gan awalt is sizunta ke wed ke volnik, olyastenon gan idul pastas ko tacokese is kustofe tame, va mil arabik viltar aze ko mebliso alto balkon gire basvajoter. Drunara va berpot : watseem is suterinda ke CamusWatsa vas soloveBerpot va tankomafa blira ke koredik ik deolafa wana kali gomilara az mulafa malyerara xonukalanzatasa ton bil ke solovuca atoer. Tire Diveik suterot tir ke taneaf pak ke grabomeem ke Camus, i pak emayan gan miv sutesik lev kral vas « solove », i trakuray drunayan koe vayarundeks milsaref gu Diveik is vergumveltkiraf gu Vund ke Sisifos ; Camus pebur da solove tir nope kosmara va volpestorafa adala ke awalk ( isen to awalk ke gadikya va berpot fenkur ) is tsunera merogina ke rozera va pesta ik amlit ke tamava. Koe tamava a tigis lorik, witaf vund ke solovuca ke ayafa gropa madawer ; Camus gan belira va Dostoyevski az Kafka loote vaon mbi razdayar. Meursault wetce tulacka ke solovaf ayik kle awir, i ke ayik divef gu dil int lodam tamava, blis koe vulatum dem merovannarina kruldesa tumalyara. Ton ayik a fetinte mei sliakfa jugemera, va orikafa blira levplekuna gu gransera ke alto jupar ise a dandacka ko bromkatas riezot pastar ( batlize to amidacapa tove prostewaf berpotaf koredik tir ); lize solove gazar, pune kuranira tumerirawer. Watsa vas kevieraSoe, koe intaf grabomaf azed, Camus radime solove va keviera rundayar, trabe iera ke ayik vintes va dilintafa gropa nek lasugexonesa va berafa zida is dace lidopa moe bloduca ke olkik, is novesa va tubagara va mejera ke artan is emudera va krenuguca is davafa listuca ke tamava. Beka ba piskura ke Diveik suterot, bora men kaikfiyir, pune batcoba kan skedegara va Marie soe bazecker, is kan intafa keviera koe flint lize va dro ke blira koe tamava tere gildar nume gu inafa listuca va int fenkur. Tire antafa gijuca ke koredik niter inafa keviera, is vewara gina lente ripindas gijarotiaceem ke selt ik alka ik malyerot ; ban gan Camus ison zo malyopapar ise vamo epita ke koredik va mana roka kiormuna gan lanyon olkik ta xonukalanzara va milkatcik nuranker. Numon batlize sutesik gu to meriz ke lana undera va lidopa is nuyuca dene merokerektana solovuca ke ayafa gropa va int eyoder. Suterinda va divuluca ok « batakafa sutera »Voxen ape belisik va berpot va to aptuca ke sutera nelkon suveyed. Tire vartaf taneaf blayak : « Uleon gadya su awalker », jupar da va volamidafe tame tcalane gan rabates kom is iliksantura kofit, kan trelaf blayak jontikviele kevaykan is nuvewas va kota dusivarinda ik kota martigafa keska num djudameus va kota swavafa koekuca gu pwades koredik. Kan unera va teca « batakafa sutera », Camus va lana berpotafa prostewa batkane joayar neke va belkenuca ke lidawicka miledje tusiakrayar ise va lana pilkafa darka gire ganduyur, i va divulafa kir entarsafa darka, ayackafa. Dere rupel
|
 | ||||||||||||||||
.svg){kind=icon}