Ervayombafi lipi (suterot)
|
Ervayombafi lipi tir renaf berpot ke Jules Verne sanegayan bak 1886, tis tana karba ke Yona zultafa koyara nevatum. VildeksLiza koe Norga dilizer. Ole Kamp aguntanikye ke Hulda Hansen al griawir. Moe onasa tota tigiyir, i moe tota bopelaweyesa grocelon ice Newfoundland ewala. Antafa conyuta ke ine tir ervayombafi lipi dem 9672-e otuk fargieyeni koe tirac kabuyun ko bira ba bopelawera. Neken ervayomba arti konak aksat oxam zo xuyavatar. Hulda is berikye va Sylvius Hog krinanik gu wizuwera ko Rjukan kuksa giwad. Gadikya ke Hulda tir bozakirapafa tove riozaf Sandgoïst. Mili ervayombafi lipi tuvodaweper kiren gesiana zultafa rupa gan feleem al zo sanegar numen tufakiraf dotayesik djukururlicked. Hulda grupenser kase va bocafa conyuta ke renanik govovider oke va gadikya govepomar. Turkon va lipi doler. Ba xuyavara, tenule nijur kalafe : mil krinanik muntaf va Ole Kamp vogonaf al katrasiyir ise va lipi al kalusteyer. Numen tire mili lipi di tir wasi. Sangoïst ikorik tir yatkaf kire va mecoba al war beka jontika erba drumeon tiyir. YunkexaKonaka yunkexa va berpot, koe piskura ke 1886 Dere rupel
Vuestexa
|
 Moek ke taneaf piskuks va berpot bak 1886 | ||||||||||||||||
.svg){kind=icon}