Fanamye (suterot)
|
Fanamye tir gaas berpot ke Jules Verne sanegayan bak 1893, tis tana karba ke Yona zultafa koyara nevatum. VildeksBak 1875 koe Eirea. Fanamye tir siwikye milinde jontik rumeik banugale krulded. Taneon gan dotcnedisik zo saver. Azon forendesik dene wawikafa bema va in rundad lize tuke Grip remblir, i tuke Grip sardikye konendase. Fird va bema vilar ; jotafa testafa zirsesikya va ine koemuder voxe moi odes ugalam laizon zo grikter. Azon gan kontena Mac Carthy yasa dem sintaaf tawamidusik zo tubronazbear. Va kalafa balemda deneon tiskir. Voxaze nope sinafa fikafa divbarnara nope mejiabura va gralt zo solstar. Fanamye darpe atrira adre tufrendawer ise klokar da lanviele di vanpir zolonaf parloesik. Radimi jonvielerama dene krumtafe jotafe biptikye, va avlemodafa kazama redur, pomanon gan Bob jotafe keldusikye giwayane gu wizura. Artlanitison va Dublin, toloy rumeik va baroy aksat olegad. Va lizukodama koe sanefa revava rovolizukedud. Va dolexomo aptafo gu vefasiki inked numaze va tiaskaf anelikeem toz lostad. Pirdanon gan pilkotik, Fanamye va arienta proyon vox djaston voner. Va yulteem ke lana tota dace kaluster nume va sinkafa brenja batkane roloplekur. Nekev kiewaskira, va korik pomayas bak sareje me ilgruper : va Mac Carthy yasa tcastayana katanar ise va erba adrafa gu kalustera va savsaf barn firvir. Va Grip palye wetce gesianik plekur. Ba santevda, Fanaamik va rodjumana debala al artfir voxen kotcoba askir da rotrakut da kaikon ware fitir nume va rumeikafa klokara rotukramatar. YunkexaKonaka yunkexa va berpot, koe piskura ke 1893 Dere rupel
Vuestexa
|
 Moek ke taneaf piskuks va berpot bak 1893 | ||||||||||||||||
.svg){kind=icon}