Fostora

Fostora tir bliopegaks, va dan blixa mbi getcar, ticida inaf rojurabolk zo dezur ise jijasaf rojuxeem kev tuyicasaca zo voner. Tela tegirafa buca ke fostora va kevorga dogiskir, inafa akolakiruca tir wetce aytaks ok tuaxaks kastanafa, vexe dere jivina ok ara adalafa pona zo rotikafaver, wetce tula sosina ke anamplekuxa ok oglukafa akida.

Konak ord ke fostora krulded, tela amiduca koe diotetca ke divoksera va kevorgeem tigir : kotafo kio, tuaxafo ok metegirafo, naston atalenaf kioak, is areem.