Franck Little
1879-1917
Amerikaf dodelaf sayudasik

Franck Little ( kobliyise bak 1879 koe Illinois galdolk az xonukeyene ba 01/08/1917 koe Butte koe Tanarasokeem tiyir amerikaf dodelaf sayudasik. Wetce bewik ke IWW grosiba, va kawodik is aalgabesik is tolnadodelik tanayar.

Blirizva betara

Va dikcoba icde yasa ke Franck Little grupet, vaxeda koe Illinois galdolk bak 1879 kobliyir. Tiyir tan grustasik ke WFM grosiba abdida va IWW grosiba bak 1906 yoteyer. Va tawuk ta nuyafa muxara stana gan bana grosiba koe Missoula is Fresno is Spokane pakeyer. Lanviele gu koflitara vas sanbarka zo lanzayar kire alavon ice nuda va Volruptes Dakteks al beliyir. Bak 1910 va midus dodelikeem ke San Joaquin krant tcedeson tanayar. Bak 1916 tiyir bewik ke gadesikeem ke IWW grosiba.

Va kogejara ke Tanarasokeem gu Taneafa Tamavageja godjon molikeyer. Solve ar gadesik kivayad da rujara va intafa grosiba di vilayar, Little trakuyur da va geja kottode di golyumayad ise va segura ke dodelik va ervolia di meuived.

Bak idulugal ke 1917, Franck Little va yastera ke lutaf dodelikeem koe Butte koe Montana galdolk kev Anaconda sistu pomayar. Ba 1-e ke anyusteaksat tevoy xatcaxakirik ko inafa gidamawa gazdon ipeyed. Zo alieyer aze div widava zo stayar aze zo vrayayar. Moe inaf ast, staksa dem « taneafa vox bocafa walzera » is yoltafa tozuraca ke aryon stasik va yast zo katrasiyir. Uculera va Pinkerton lafagik kevfiyid voxen meka kogruparacka va adjubesik di zo skuyur.

Sedme Dashiel Hammett suterotik, adjubera gan Anaconda sistu birgoton al zo jafayar.

Vuestexa betara

  • (en) Jane Little Botkin. Frank Little and the IWW: The Blood That Stained an American Family. Norman, University of Oklahoma Press, 2017.
  • (en) Mike Byrnes & Les Rickey, The Truth About the Lynching of Frank Little in Butte, Montana, 1917. Butte, MT: Old Butte Publishing, 2003.
  • (en) John A. Jackson, Go By Go. Tucson, AZ: Dennis Mcmillan Publications, 1998.
  • (en) Phillips Russell, To Frank Little (Lynched at Butte, Montana, August 1, 1917). International Socialist Review, vol. 18, n° 3 (Sept. 1917), bu. 133.
  • (en) The Man that Was Hung, International Socialist Review, vol. 18, n° 3 (Sept. 1917), bu 134–138.

Franck Little

Franck Little

 Koblira  1879,
 Illinois, Tanarasokeem
 Awalkera  01/08/1917,
 Butte, Tanarasokeem
 Vedeyot  Tanarasokeem
 Tegira  Sayudasik
  Bifa 
  Tuveli icde Izvopa