Graces berkik (suterot)
|
Graces berkik ( englavon The Adventure of the Missing Three-Quarter ) tir berpotam ke Arthur Conan Doyle taneon sanegayan bak 1904 koe Standard Magazine virda az direilanon koe Dimpira ke Sherlock Holmes berpotamak. VildeksTozafa bulaCyril Overton tir okilik ke vizuaviputifi soli ke kotla ke Cambridge. Ba toloy viel abdi lan firk kev soli ke Oxford, Godfrey Staunton inaf berkik va bak sielcek va gida al bulur lize vistaleweyer voxaze me dimlaniyir. Neken Staunton tir tel lokiewaf utiusik ke soli numen gracera va firk va surtesa fala co rotplekur. Overton den Scotland Yard ardial al lanir lize Stanley Hopkins kodisukesik pirdayar da in va Sherlock Holmes icde bata arienta di uzerayar. MaeraOverton pu Holmes odiar da bak sielcek ke griawira megrupenikye va gida dem twa mu Staunton artlaniyir. Moi belira, berkik nutiyir burdaf. Va megrupenik kevlaniyir azen sin va gida belcon divvulteyed. Lodekaf vuwik ke Godfrey Staunton tir Mount-James O-ye ziavik tis kulaf vox totcidaf guazik konoleten. Overton givuyur da Staunton va ziavik me al auzuyur. Holmes is Watson is Overton ko gida lanid lize soli ke Cambridge zo vistaler. Holmes va tuvelsusik koerur. Bantan givar da Staunton va darefa staksa tici kielcek al kazawayar aze suteson kan sid al dulzeyer. Holmes va rudjarnaxa faveyena gan yik ta turodara va sid trasir aze va tena ke staksa remawisison lajugribeksar : « Va cin me jovlel, mu Lorik ‼» ( Stand us for God's sake! ). Holmes va manembik ke sumesuteks bam djugruper. Ko lopokefe sumesutexe do Watson lanir ise beyason lajukosmar da staksa pu Leslie Armstrong ke Cambridge al zo maneyer. Holmes is Watson bak sielcek den selaropik lanid. Bantan doster da tir nanyik ke Staunton voxe va beta giva pu kogrupasik vol djubilder kire folir da Holmes gan Mount-James O-ye al zo seger. In givur da selaropik div widava vieleon gilapir. Bak mil sielcek, Holmes va riniz ke Armstrong kan tolkrafol lajuradimelapir voxen bantan sonker numen laitera zo gojovler. Direvielon, bak viel ke firk wal Cambridge is Oxford, Holmes kan tolkrafol gin lapir, keno darevielafa nia ke riniz, aze va yona wida worar lize inafa remlapira co zo rokozwir. Ba siel Holmes aborkon dimlapir, ison va surtera ke Cambridge kev Oxford givur. Diregazdon Holmes waveon ranyer aze va krafol ke riniz ke selaropik gu teca cuizda storlar ise va vakol onkatas va sleda zanudar vielu selaropik ta vieleafa gozara mallapir. Sleda nedir da riniz van Cambridge levgon roykayar. Holmes batkane vangruper dume riniz koo wida tigisa kene taneafa vawa darevielon me zo wiyir. Toloy nik va lana kolna koe tawaday tere artlanid radimida va volmilniaf riniz ke selaropik mewiyinon al gamdad. Va lana olkoba vanlanid lize borega zo gilder isen va Staunton bores tite ilava trasid lize mulufteyesa yikya senyer. Armstrong selaropik kal kolna su dimlapir ise zideper viele va Holmes is Watson trasir. Kogrupasik buiver da va arienta me fu djurazdar nume gan selaropik batkane zo dirnuyur. Bantan bam diver da Staunton va yikya levrenayar. Bata rena gozavzayar birgafa kiren givuson va kuresa erava, Mount O-ye va nutye gu ctakafa tufa ape co grikonoleyer. Wori yikya ve akoleyer azen inafa galera kalion turotaweyer. Ba tolka abdi firk, gorestapaf sok ke yikya jupayar da inafe gadikye va Staunton ko gida aneyayar azen drum gabu ke ina belcon mallapiyid. Larde bula re zo maer, pune Holmes va sugawalkasa mona bulur. YunkexaKonaka yunkexa va berpotam, koe sanegasa virda bak 1904 : Dere rupel
Vuestexa
|
 Tana yunkexa ke taneaf piskuks va berpotam bak 1904 | ||||||||||||||||
.svg){kind=icon}