Gramalote

Gramalote tir dota valentrone Kolombia, vagetalte Norte de Santander winka, koe Centro utca. Gramalote arte mon 45 km- talte Cúcuta winkaf widot tigir. Izva Gramalote, bak 1857 winugon zo zabduyur. 1857 : Zabdura va Caldederos. 1864 : Warzaf yolt vas Galindo. 1865 : Galindo vanpir dota. 1866 : San Rafaél uja is adlutaxo. 1875 : Ba 18/05, Ruftacek ke Cúcuta num vilara va taneafa widega ( Pueblo Viejo ). 1883 : Arrundara va widega mo debak kal 2010. 1888 : Yoltarura, Galindo vanpir Gramalote. 1899 : Peralonso meld, poke La Laja za koe Santiago. 1957 : Dimvegedura va rasekeem ke uja. 2010 : Varafa vilara va widega golde skandotcekap nope konak muvapas aksat is tigixo ke zolonafa sidopafa yalta. 2016 : Taneastera va warzafa dotafa widega moe Miraflores debak. Anamvilara va toleafa widega Bak santoleaksat ke 2010, Gramalote va skayaf skandotcek nope nustaf fentugal is abrotcifa muvarapa levgar. Sidopafa yalta lize wida moeon tigiyir, golde gribograra va tawova nekiyina gan muvacekap nuliziweyer. Bata liziwera va skandotara ke tana bria talte wida nekiyir numen yona mona zo besayad. Mila sidopafa liziwera ke yalta va cofuot ke loa kolna mali 16-e ke santoleaksat dere vanolayar. Tere cugak ke wida di zo vilayar oke zo tumerosokenayar. Ba 17/12/2010 irubasikeem zo divbuluyur. Arti tolka, rictaga uldineyer da 40 % ke dota tiyir vilayana. Lizukafa dimvegedura ok arrundara davon zo divrozayad. Ba 22/12, bowere gorayar da widega ke Gramalote di zo arrundayar. Nuevo Gramalote Ba 20/12/2016, Juan Manuel Santos taneagadesik va sokasane, va warzafa widega moe Miraflores debak arte 20 verast male savsafa wida vilayana gan skandotcek bak 2010, winugon taneasteyer. Redura va Nuevo Gramalote gan winkaf piskot ke 27/02/2014 zo gotuyur. Bak santoleaksat ke 2016, dolexe is dalafa viga is ristulaxe zo mobildeyed. Gatcexe va rotulina lava isu lamena is 260 tenukeyena mona dere zo dafuyud. 18/12/2020 : Ridaf wiks va Gramalote widega 18/12/2020 : Ridaf wiks va Gramalote widega 18/12/2020 : Ridaf wiks va Gramalote widega 18/12/2020 : Wiks va nuda 18/12/2020 : Atitsuyusa mona 18/12/2020 : Taneafa yargada keve amuda ke alkareila 22/10/2010: Rawaks ke amuda ke alkareila 18/12/2010 : Taneafa yargada keve uja 19/12/2010 : Lodastirbafa yargada keve uja 19/12/2010 : Lodastirbafa yargada keve uja 19/12/2010 : Lodastirbafa yargada keve uja 22/12/2010 : Rawaks ke San Rafaél uja Sanelia Varafa sanelia ke Gramalote tir vas 5567 irubasik otulayan bak 2015, don 2748 koe widega is arak koe konako monaxo. Towara ke sanelia ke Gramalote dota (2005-2015) Xantaza : DANE Nelkafo monaxo tid : Pueblo Viejo Antiguo Gramalote San Jorge San José Zumbador Santa Bárbara Boyacá Violetas La Garza Villanueva Ricaurte Fátima Cadral San Isidro Mirador Triunfo Jácome Santa Anita Rosario Mongui Piedecuesta Silencio Santa Teresita Teherán Valderrama Miraflores El Pomarroso Ewava Wiks va Gramalote, abdi 2010 Wiks va Gramalote, moni 1940 Uja ke Gramalote, abdi vilara bak 2010 Uja ke Gramalote, abdi vilara bak 2010 Nuda ke Gramalote, moni 1940 Nuevo Gramalote widega, 2021 Nuevo Gramalote widega, 2021 Nuevo Gramalote widega, 2021 Nuevo Gramalote widega, 2021 Vuestexa

Gramalote RISTULA Patecta Kolombia   Gola Norte de Santander winka Welmot 151 km² SANELIOPA Sanelia 5567 ir- (2015) TAWAVOPA Maneka  7° 53′ 17" L-, 72° 47′ 48" T- Ontine 1040 m- LAPIRA, LIZIBA Bira, kuksa Rid Kelot Vawa Debala ke Gramalote koe Norte de Santander winka Liwot va Gramalote dotaxo, 2010