Interlingueava

Interlingueava tir walvedeyafa pelafa vegedunava reduyuna bak 1922 gan Edgar de Wahl.

Bat teliz tir remgudaks icde watsa vas ava. Nume di zo gotukotrar. Rinafa givasa ik sutelasa pomara di zo karolapar.

  Interlingueava

Interlingue - Occidental
Avuxo
Avusikeem	≈ 30 ( 20-- )
Avafa pulara
- Vegedunava
- Walvedeyafa golerava
- Aposteriori ava
Redura
Askisik	Edgar de Wahl
Redura	1922
Kira
Ord	Vegedunava
Abava	Latinafa
Avafa beksa
Iso 639-1	ie -
Iso 639-3	ile -
Glottolog	inte1260 -
Tigixo
Tuveli icde Aveem
betara	teza

Jontika danteyena ravleminda ke Interlingueava va telyona dofa gu lanyona ava ke taltefa Europa tcazad, i gu dalon Roma ava is Germanic ravlemind. Jontik ravlem kan De Wahl lova zo tazukad, i kan lova tisa verteem belon artazukas va kota grayinda ton danteks vaxe tevoy ravlem voxis Latina tolzaeyaf gray. Danexa tir tuwavakorafa is belafa ava nutisa fakafa gu gildara ke korik grupes va lanyona ava ke taltefa Europa. Rowinuca is tuopelayana pulviropa voxis belafa sanegara va Cosmoglotta virda va Occidental ava bak sanda abdi Toleafa Tamavageja tusaneayad, nekev sugara ke Nazi roti ta sulara va pelaf walvedeyaveem.

Abava

Latinafa abavacka

A a	B b	C c	D d	E e	F f	G g
H h	I i	J j	K k	L l	M m	N n
O o	P p	Q q	R r	S s	T t	U u
V v	W w	X x	Y y	Z z

Izva

Taneaf otuk ke Kosmoglott virda ( vanpitisa Cosmoglotta ) kerujon zo sanegayar, moi daktera ke Vedeyeemaf Seltom icde vayara va uum ke walvedeyava.

Toza

Edgar de Wahl bak 1922 va redura va Occidental ava koe taneaf otuk ke Cosmoglotta virda dakteyer, i ke virda sanegayana koe Tallinn koe Eestia yolton gu Kosmoglott. Occidental ava tir nekiks ke yona ilkafa bagalasa tanda yolton gu auli az faveyena wali 1906 is 1921 az vanpiyisa Proto-Occidental ava. De Wahl taneon tiyis neyasik va Volapukava az Esperantoava, va Occidental ava radimi rodjera ke artazukatasa klapara va Esperantoava bak 1894 toz reduyur .

Pakesik va katanara ke Interlinguava koe Wien bak 1928: Engelbert Pigal, Karl Janotta, A. Deminger, Hanns Hörbiger, Eugen Moess, Franz Houdek, Johann Robert Hörbiger

Rekola ke Wien az Toleafa tamavageja

Wienafa rekola gan erbafa bogruca dere zo tcalayar.

Avopafa tupreksara

Piuteliwa dem interlingueavaf krent (Wien, 1928).

Bak geja jontik Occidental avusik va ava toz tupreksayad.

Gritowara az dimblira

Jontik yotesik va Interlinguava vanfiyid numen Interlingueava tuaxaweyer. Tegiruca remi yona sanda iltowayar. Cosmoglotta B radimi 1950 tenzo sanegayar, isen beluca ke Cosmoglotta A adre toz illaumayar : tolaksateon mali 1952 az baraksateon mali 1963. Ar interlingueavaf liday bak bata rekola wan zo sanegayad : Cive del Munde ( Swiza ) is Voce de Praha ( Ceskaslovenska ).

Bak batyona darefa tanda, warzafa interlingueavafa neva zo sanegayad, tulon : Sersikam, Evangil ke Marcus, Salute, Jonathan! is yon grabom ke Vicente Costalago : Li sercha in li castelle Dewahl e altri racontas, Antologie hispan, is Fabules, racontas e mites.

Suteroteem

Lo interlingueavaf suterot, i tanuskaca lidam kalinterlingueavaks, koe Cosmoglotta virda zo sanegayad. Ar krent koe Helvetia virda dere zo sanegayad, isen abicote aryon nevakoraf.

Tanuskafa neva

• Kajš, Jan Amos (1938) Krasina, raconta del subterrania del Moravian carst.
• Podobský, Jaroslav (1935/1947) Li astres del Verne.
• Costalago, Vicente (2021) Li sercha in li castelle Dewahl e altri racontas.
• Costalago, Vicente (2021) Li tresor de Fluvglant.

Kalinterlingueavaks

• Costalago, Vicente (2021) Antologie hispan.
• Costalago, Vicente (2021) Fabules, racontas e mites.

Dere rupel

Tegira is pouca ke vegedunava dene Wikipedia : vixasa wafra.