Ivan Cickin

Ivan Cickin

1832-1898

Rossiaf lingesik

« Rossia ~ patecta dem patectoy... Pokolé da ugal titir viele kotafa rossiafa tuwava blisa is kofina gan swava, kan rossiaf yambik zo disuketer. » — Ivan Cickin Ivan Ivanovitc Cickin ( rossiavon Иван Иванович Шишкин ) tir rossiaf lingesik. Ivan Cickin mali rumeugal toz lingeyer aze remi blirugal wan askiyir ; lantan kalid da in va ogalt meviele al divgir. Zovdara tiyir lana vayara va tuwava. Milsareik va Cickin gu « Gulik ke rossiafo aalxo » is « Gindik ke aala » is « Guazafa pailtega » is « Antiafa persa » al dayoltad kiren metan ke bane sare va aal logeltrevon is loteldon is lorenason volayar. To Rossia is moekote vofa aala al vanpid tiskiso dulapexo ke inafa abrotcifa is wemtafa is zultafa klepa. Grabom ke Cickin ton gotusa ewava va Rossia zo kiavad ise va warzafa okluca ta vof patectoy tukuvayad. Abdi Cickin, metan va albara va vowidava ik zijnafa listuca ke lentekafa tuwava ixam al kareizuyur. « Cickin ~ cosaf yambik. Remi blirugal va rossiaca al vayar, va nelkon lentekafa aala is rossiaf aal is rossiafa danca. Batcoba tir inafo gindaxo ise va mek elicik dikir, tir tanaf. » — Stasov Grabom ke bat cugunaykaf yambik va gruvducapa koe Rossia is kotrafa tamava pojad ise al vanpid pulotaca ke rossiafa patectoyafa lingeropa. Remi balemoya sanda ke yambafa tegira, Ivan Cickin va konak decemoy lingeks isu zovdaks is jontik gretcaks warzeyer. Tir kotunafa tula ke cugunaykaf fitc ke Cickin, numen Ivan Kramskoy yambik al stragar da in tiyir tsokapaf eke va izvafa yambafa wica tadleyer : « In miv tir lana serna... i vlupexa ke towara ke rossiaf patectoy ». Blirugal Toza Ivan Cickin koe Yelabuga winkafa widavama ( re koe Tatara sokasane ) koe Ural rodega. Gadikye tiyir kazik swavamantaf is albas va savsavaca, i aribaf rawopik is rwaltopik. Dezutuson va dulapera ke nazbeye va izvopa, va Ivan mo rawopafo joxaxo ke savsafo balgarafo gazaxo kene Volga bost divstayar lize va Nevostruyev kotlik ke Moskva pomayar. Bak 1844 Cickin ko olda ke Kazan zo stakser lize kalion tunar nume rozovdar ise va yamba roflider. Va tuwavavaf opeem ekemapon vayar. Voxen verteem ke olda tir lirk kev inafa jugemera isu xialara numen radimi tilderugal ke 1848 in va bema bulur. Mivizva ke Cickin va inaf tegireem ke yik rietar, i ke yik va dilint tunuyayas gu « olda dem nilafa tazuktuca ke swava ». Inde in al kalir : « mevanpitison papleketik ». Gadenon gan Moritski dene Moskvaf Cultim ta Lingeropa is Balumaropa, Cickin va lingesa is balumasa omavanya mbi taver. Yambik koe aala poke Moskva ( koe Sokolniki ) dun zovdar. « Patectoyaf yambik tir kotunaf yambik. Losuyon is lokaron sopester, ~ koe pone suter. » Monexo ke Sankt Peterburg, 1856 Wali 1856 is 1860 Cickin dene Cultim ke Sankt Peterburg ta Yamba vayar, gadenon gan Vorobyov. Kiewatca tozuwer numen in gu konaka dilgavafa ik moavafa diema zo gabler. Va malyedara ke Mokritski gruyer : « Va donaf is fitckiraf tavembik al drasuv voxe zinulav da in stekeon fure vanpir donaf yambik ede milinde toz vayar ». Jugemera ke Cickin va deltafa duga ta kaatoera va tuwava koe Monexo ke Sankt Peterburg taneafa trutca bak 1856 ixam tigiyir. Bak 1858-1859 Cickin mo Valaam ewala jontikviele lakiyir lize va idulugalaf patectoy ksuber. Ilamkaf patectoy ke ewala va tuwavafa listuca ke Ural gola ke rumeugal pu jotaf yambik kimbayar. Bak 1860 icde toloya patectoyafa trutca va Valaam, Cickin gu taneapulorafa moavafa diema zo gabler nume ko divexo di gonovayar. Voxe va mallapira me ekeyur kire bak imwugal ke 1861 ko Yelabuga lakir lize koe tawaday lingeper. Koyara koe divexo Cickin koe divexo bak 1862 tere lapir. Berlin is Dresden me tuseramad. To va voroti anton pestaleyer (« Tokdume koe Rossia karolapayana me tigí ?»). Voxe Cickin koe Praha divmodeyer. Gan zovdaks ke Josef Mánes zolonaf geltrevaf ceskaf lingesik ke 1860-e sanda zo woer. Bak 1863 koe Zürich va lingexo ke Robert Collier worar lize va gretcase ckane raver. Stekeon vanpir gretcas felik. Meftavafa nakila ke Swiza tid warzafe lingene detce ke yambik numen va konak sanoy seroy skur. Avlemodikaf Seltom Bak 1865 Cickin ko Rossia dimlapir aze nope trutca vergumveltkirafa gu Patectoy poke Düsseldorf gu cultimik zo semekar. Va yon yambaf rijay ke kelu kalion anjer ise va alubeavieleafa kabelcara ke Yambikafu Sistu tcoker. « In tiyir tel loon loras ke lospa, ~ Repin setiker ». Intagabexo, 1867 Gozara koe aala, 1869 Intagabexo (1867) trutca ke Repin isu Gozara koe aala (1869) isu Miafiz koe monexo ke Moskva (1869) va pilkovafa listuca ke rossiaf patectoy divnedid ise va stekefa nia ke Avlemodikaf Seltom abdivolad. Bak 1870 Cickin tir tan zabdyus bewik ke Avlemodikaf Seltom, do Kramskoy is Perov is Savrasov is konak artan. Ivan Kramskoy vanziliyis va zolonucapa gu yamba ke Cickin is pomayas, icde inafa riwetcuca suteyer : « Cickin kan intafa grupera gevar... Isen kotviele patectoy lenteon tigir, pune in koe intafa ra nutigir ; fure tir pirtaf is tuzaf ise va kanee ik cobe ik dumee vol gonunder... Trakú da tir tel antiaf ke min grupeon grupes va tuwava... Cickin tir ba greeltap ke vonera va rossiafa patectoyafa lingeropa ; tir sernacka dene antaf olkik ». Miafiz koe monexo ke Moskva, 1869 Pailtegaxo koe Vyatka winka, 1872 Cickin va abduxoafa is milsarefa is cosafa ewavura ke avlemodikaf lingesik dotrakuyur, volnope tcuca is vanawalkafa tuwava ke cultimafa yamba. Malyopasik va Miafiz koe monexo ke Moskva (1869) tan inaf grot gu « daavaf dank » al duvud. Va afizafa nakila kotrafa gu awalt is blira dun abdualbayar, va tulon Pailtegaxo koe Vyatka winka (1872) is Ricaxo (1878) is Kelda koe aala (1880) is Persa (1887) is Awaltanaf afizcek koe pailtapalexo (1895). Bak Toleafa Avlemodikafa Wonara, Cickin va Aala kadimeon trutca atoer. Banvielu do avlemodikaf seltom kali awalkera dun atoeter. Tena Vaxe lingeropa, Cickin dere tiyir feliik ke zovdaropa is gretcara. Inafa zovdarinda milinde dam lingerinda towayar. Zovdaks ke 1880-e sanda skuyun kan intadaxa is afolt tiyid muxas loon dam telyon kan bruxa ke 1860-e sanda. Bak 1891, lo 600 vayaks is gretcaks dene Cultim zo wonayad. Cickin va esafa yasegafa blira dikiyir. Tolon kureyer voxen toloya kurenya awalkeyed, isen dere nazbeikyeeem. Cickin koe lingexo ke Sankt Peterburg va awalkeyer viele va Aalafo Gazaxo trutca kobaveyer. Nelkaf dotay dem grabom ke Cickin koe Tretyakov Ginsaxe koe Moskva is Rossiafe Tcilaxe ke Sankt Peterburg zo rowid. Dere rupec ► Trutceem ke Cickin ► Avlemodikaf Seltom Stragela (fr) Mikhail Chichkine, La Suisse russe, Paris, Fayard, 2007, 516 p. ISBN 978-2-213-62910-0. (fr) Irina Chouvalova. Ivan Chichkine : le géant de la forêt russe. Paris, Parkstone, 1997. ISBN 9781859951439. (fr) Victoria Charles is Irina Shuvalova. Ivan Chichkine Paris, Parkstone, 2013. ISBN 978-1-78160-249-2. (en) Elizabeth K. Valkenier, Grove Art Online, Oxford University Press, 1998. ISBN 978-1-884446-05-4. (ru) Ф. Булгаков. Альбом русской живописи. Картины и рисунки И. И. Ш., СПб., 1892. (ru) С. Н. Кондаков. Юбилейный справочник Императорской Академии художеств. 1764-1914. 1915 (ru) В. Манин. Иван Шишкин. М.: Белый город, 2008. С. 47. ISBN 5-7793-1060-2. (ru) А. Пальчиков. Перечень печатных листов И. И. Ш., СПб., 1885. (ru) Ровинский Д. А. Подробный словарь русских граверов XVI—XIX вв., Т. II, 1885. (ru) Шишкин, Иван Иванович // Энциклопедический словарь Брокгауза и Ефрона : в 86 т. СПб., 1890—1907. (ru) И. И. Шишкин. «Переписка. Дневник. Современники о художнике». Л., Искусство, 1984. 478 с., 20 л. илл., портрет. (ru) И. Шувалова. Иван Иванович Шишкин. СПб.: Художники России, 1993. Internetxo atoeso va grabom ke Cickin. Internetxo atoeso va grabom ke Cickin.

Ivan Cickin  Koblira  25/01/1832,  Yelabuga, Rossia  Awalkera  20/03/1898,  Sankt Peterburg, Rossia  Vedeyot  Rossia  Eba  Lingeropa  Serna  Geltreva, Avlemodikaf Seltom   Grabom  Утро в сосновом лесу Trutceem ke Cickin Aal balieyen gan suka • Aala (1) • Aala (2) • Aala (3) • Aala (5) • Aala (6) • Aala abdi zivotccek • Aala kadimeon • Aala kene bira • Aala muvugalon • Aala sielon • Aala, vayaks (1) • Aala, vayaks (2) • Aalaf patectoy (1) • Aalaf patectoy (2) • Aalaf patectoy (3) • Aalaf patectoy dem zenki • Aalafa mona • Aalaki • Abdi zivotc • Agaf aal leve tij • Amuda koe aalxo • Awaltanaf afizcek koe Merikyul • Awaltanaf afizcek koe pailtapalexo • Awaltanaf afizcek koe pailtegaxo • Awaltanaf afizcek koe aala, persa • Awaltara ko aala • Awaltiskafa pailtega, Meri-Xovi • Ayikye moe pikay ke mona • Azentaf krant • Bak dolistera koe persaxo • Bak muvugal • Belovej • Binka koe aala (1) • Binka koe aala (2) • Bixexo koe aala • Blatak • Blatak koe aala • Braf gazdacek • Braga • Cickin is Gin koe mawa moe Valaam ewala • Cirdata is dieka • Cirdata moi zivotccek • Cirdataxo (1) • Cirdataxo (2) • Cirdataxo (3) • Cirdataxo (4) • Debri • Disukeks va aala • Drim, Konstantinovka wida • Drimayana cirdata • Fentugal • Fentugal koe aala • Gabeyena persa • Gama, vayaks • Gazda koe pailtegaxo • Gazda koe pailtegaxo, remgudaks • Govitafa lenteka • Gozara koe aala • Idulugalaf afizcek koe Merikyul • Imwa keve karniz • Imwa kimon ice aala • Imwugal koe aala • Intagabexo • Intagabexo koe aala • Ipom koe weda • Italiafe sardikye • Jaftol izgon ice aal • Kabdifa gabera • Kabdue elza, moi belira va twa • Kama kuksa poke Yelabuga • Kelda koe aala • Kelda koe pailtegaxo • Kelda koo aala (1) • Kelda koo aala (2) • Kelda koo ricxo • Kelda wale pailtega • Kene bira • Kene bira • Kene Suomia pargalu, Udrias poke Narva (1) • Kene Suomia pargalu, Udrias poke Narva (2) • Kepaita koe widava bak fentugal • Keve aala • Kimwa (1) • Kimwa (2) • Koe aala (1) • Koe aala (2) • Koe aalgerd • Koe aalxo • Koe aalxo ke Mordvinova biptikya, Peterhof • Koe gola ke Gurzuf, vayaks • Koe persaxo koe Sestroretsk • Krimta ke Suomia pargalu, Udrias poke narva • Kseway koe taya • Kseway, Preobrajenskoye • Kuksa koe cirdataxo • Kuksa rune aala • Kuksama • Kuksama koe aala (1) • Kuksama koe aala (2) • Kuksama koe aala (3) • Kuksama koe aala (4) • Kuksama koe aala (5) • Kurbaxo • Kusk ke wida • Lavarn koe aala • Levaala • Ligovka kuksa poke Sankt Peterburg • Luc koe aala • Meftavafa binka, Krima • Meftavafa aala • Miafiz koe monexo ke Moskva (1) • Miafiz koe monexo ke Moskva (2) • Mikaci • Milkava valeve aal • Moavukaf muvugal • Moi zivotccek koe Meri-Xovi • Monexo ke Moskva, Bratsevo • Monexo ke Sankt Peterburg • Mucacek koe persaxo • Muvugal (1) • Muvugal (2) • Muvugal koe Krestovski ewala • Muxomor, vayaks • Noriskaalxo • Orikafa aala • Pailtapalexo • Pailtaxo kene Kama kuksa • Pailtega (1) • Pailtega (2) • Pailtega koe bixe • Pailtega leve awalt • Pailtega moe pistok • Pailtega moe Valaam • Pailtega, Merikyul • Pailtegaf patectoy • Pailtegaxo (1) • Pailtegaxo (2) • Pailtegaxo (3) • Pailtegaxo (4) • Pailtegaxo (5) • Pailtegaxo (6) • Pailtegaxo (7) • Pailtegaxo (8) • Pailtegaxo (9) • Pailtegaxo koe Vyatka winka • Patectoy (1) • Patectoy (2) • Patectoy dem edava • Patectoy dem gozasik • Patectoy dem pailtega • Patectoy dem tcabanesik, Valaam ewala • Patectoy ke Merikyul • Patectoy poke Düsseldorf • Patectoy, vayaks • Persa (1) • Persa (2) • Persa (3) • Persa koe Mordvinovo • Persa, sielon • Persaxo • Persaxo bak akraf afizcek • Pinta ke aal • Poke aala (1) • Poke aala (2) • Poke serka • Poke tucpastaxe • Raporaf patectoy • Raporka koe aala ke Valaam • Rawaf tuksuest isu naboxa koe Bulgar • Rawafa baplaga • Rawaks koe Bulgar • Ricxo • Ruckaxo, Siverskaya • Rune cirdataxo • Rune pailtegaxo (1) • Rune pailtegaxo (2) • Rune persaxo • Ruxa koe matelaki • Senta • Senta koe aala • Siel (1) • Siel (2) • Siel koe pailtegaxo • Stava • Sukarn koe tawaday • Swizaf patectoy • Tajdaxo koe Swiza • Taneafa nolda • Teutoburg aalxo • Titstis siel • Toaalxo (1) • Toaalxo (2) • Tourka koe aala • Tourka koe aala, Siverskaya • Tourka koe guazaf gerd • Tuveluk, Siverskaya • Ujiwa • Valaam ewala • Vawa koe krant • Warolara • Wedaxo ba titawaltara • Werda • Wico koe aala • Wiks va aala • Wiks va Valaam ewala (1) • Wiks va Valaam ewala (2) • Wiks va Valaam ewala (3) • Yestara va nyul • Zava   Tuveli icde Lingeropa  Gazda koe pailtegaxo, 1889 Persa, 1889