Ivan Endogurov

Ivan Endogurov

1861-1898

Rossiaf lingesik

Ivan Ivanovitc Endogurov ( rossiavon Иван Иванович Ендогуров ) ba 04/11/1861 koe Kronstadt koe Rossia koblir. Ba 17/05/1898 koe Capri koe Italia awalker. Tiyir geltrevaf lingesik is bewik ke Avlemodikaf Seltom. Tir katcalaf nope patectoy. Blirizva Inafe gadikye Ivan Endogurov (1812-1871) tiyir rambik ke rossiafa gindafa totervolia. Bal inaf oldaf vayarugal, Ivan is Sergey berikye va Efim Volkov patectoyaf lingesik rungrupeyed nume gorayad da lingeson di ebuyud. Radimi dobara bak 1880 va rokopa dene Sokafa Kotla ke Sankt Peterburg toz vayayar voxe va lingeropa ke Volkov wan raveyer. Bak 1884 va kotla buluyur aze va Yambaf Gindaf Cultim nobayar. Inafa taneafa wonara diretandon dilizeyer nume zo diemayar. Mali 1885 kali toza ke 1890-e sanda sporgon wonar, tulon wetce bewik ke Avlemodikaf Seltom. Bak 1889 va Tamefa Wonara dere paker. Bak bane sare va kotcakolaf prist toz nedir. Wali 1890 is 1893 koe Italia is vagee Franca, tulon koe Corsica ewala blir. Radimi jonvielera koe apkazukurkexo ke Bayerna koe Germana, bak 1894 is 1895 koe Krima blir. Lo inaf lingeks ke bane sare nutid vulkuyun. Vanion koe Italia gire dimlapir. Koe Capri ewala grocelon ice Napoli ba 17/05/1898 nope kotcakolera mulufter. Yona trutca Grabom ke Ivan Endogurov Fentugalaf patectoy (Зимний пейзаж, 1890) Toza ke imwugal (Ранняя весна, 1885) Toza ke imwugal (Начало весны, 1890) Muvacek (Дождь) Batakuca, valenteon (Белый мох. На Севере, 1890) Taelaf mielcek koe Ajaccio (Лунная ночь в Аяччо, 1890) Bira (Море. 1890) Tucpastaxo koe Krima (Георгиевский монастырь в Крыму) Dere rupec ► Avlemodikaf Seltom Stragela (ru) Ендогуров, Иван Иванович // Энциклопедический словарь Брокгауза и Ефрона — СПб., 1890—1907.

Ivan Endogurov  Koblira  04/11/1861,  Kronstadt, Rossia  Awalkera  17/05/1898,  Capri, Italia  Vedeyot  Rossia  Eba  Lingeropa  Serna  Geltreva, Avlemodikaf Seltom   Grabom  Toza ke imwugal, 1890   Tuveli icde Lingeropa