Jangada ankit (suterot)
|
Jangada ankit tir stuvaf berpotam ke Jules Verne sanegayan bak 1881, tis tana karba ke Yona zultafa koyara nevatum. VildeksJangada ankit tir intaf ankitap gifaven koe Geefa Amerika. Joam Garral do yasa to moe bata totukinda va Amazonas bost katitlapir enide va nazbeya koe Belem arte bost di kurer. Moe zalor ravet da yoltack ke Joam Garral enwe tir Joam Dacosta ise weti tol-san-barda nope lana gomilara me raplekuyuna zo xonukalanzar ; kal Perua al lajupotceyer lize azon tarkapanon di bliyir. Torres ikorikye va beksayana migajeyxa dagir, i va migajeyxa suteyena gan ageltucaf gunik levi awalkera is wazdesa va volgunuca ke Garral. Torres va bat suteks djutuerbar ise va nazbeikya ke Garral djukurer, i va Minha ixam aguntayana gu Manoel. Garral vewar numazen Torres va int jaxadar, rankeson va Garral pu rictaga. Batdume Joam zo soper isen skura va restali tir kadimifa. Benito nazbeikye ke Garral va Torres bal doaliera aytar, megrupeson da bantan va migajeyxa dagiyir ise va beksatselka novesa va gribeksara ant grupeyer. Katrasira va awalkoda ke Torres is migajeyxa fu tir esaca. Azen viele valdig zo katrasir, pune gribeksara. Bexe Jarriquez malyerotik tis enugelikany is jodombusik va migajeyxa di lajugribeksar nume va restali levi skura di nonur. Tena ke rupa tir dem toloya vols tanoya kurera. Jangada ankit tir berpotap ; tegira en zo inker oxam viele Garral zo soper. Soye koe kon berpot ke Jules Verne, va kotrafa pimtara va tawavopa ke Amazonas bostxo is munesteks ke konaka vestara trasit. Koredik
YunkexaKonaka yunkexa va berpot, koe xantofa piskura, 1881 Dere rupel
Vuestexa |
 Taneaf yunkeks ke xantof piskuks ke 1875 | ||||||||||||||||
.svg){kind=icon}