Koe tawaday (suterot)

Koe tawaday Koe tawaday tir berpotam ke Guy de Maupassant sanegayan bak 1882 koe La Gaulois fela az direilanon Contes de la bécasse larma. Pu Octave Mirbeau zo tarizar. Vildeks Toloya wawafa yasa, i Tuvache is Vallin, koe vegungafa koridxa copon vox skedanyason blid. Lanviele Hubières tolonga metikisa va nazbeik va Charlot lojotafe nazbeikye ke Tuvache ika stemok djutubronazbear. Tuvache gadikya va bata volayafa dragera kalvewar. Numazen tolonga va zubi pu Vallin yasa drager. Mbi malnaler ; gwilt ke turwi taneon drageyesi pu taneafa yasa zo laumasir. Nopeon Tuvache yasa isu Vallin va sint mea pulvid. Tuvache gadikya va vegungik kevpulvir ise ton tulafa gadikya va int atoer numen Charlot nazbeye di pester vamoefe kire me al zo doler. Arti tol-sanda, Vallin nazbeye tukulaweyese gire awir. Va koridxa ke Vallin kolanir aze va gadikeem dablur numen dimpira zo kapar. Nazbeye ke Tuvache tir lickafe nume va gadikeem me doleyes sater. Pobaxar aze va monama bulur. Dere rupel Guy de Maupassant : Francavaf francaf suterotik ( 1850-1893 ) (fr) Aux champs, dene Wikisource ( xantokrent ) Koe tawaday ( Aux champs ), kalkot- 2013 gan Élisabeth Rovall, banliz

Koe tawaday XANTO Vergumvelt Aux champs Sutesik Guy de Maupassant Ava Francava Suterotinda Berpotam Evla 1882 betara teza   Tuveli icde Suteroteem  Moek ke tan piskuks va Contes de la bécasse larma ( Reizak ke Dadjuga ), 1894