Konoleks (suterot)
|
Konoleks tir berpotam ke Guy de Maupassant sanegayan bak 1884 koe Miss Harriett larma bak 1884. VildeksCésar Cachelin tir unenik dene Birervolia elda. Jupar da Coralie nazbeya va tane dokobasikye kurer, i va Léopold Lesable. Kotafa yasa di blir, keson va konoleks va Charlotte kulafa ziavikya. Voxen moi awalkera ke Charlotte, bafela razdar da tufa gu nazbeik ke tolonga zo vankolar. Batdume yasa va nazbara va bat pintik tineson royner. Nope mefavluca ke batyona yovara is tirodafa ailtuca ke Léopold, Coralie xodiar enide gan lane dokobasikye ke kurenik di zo nazbesir. Inafe gadikye bristur isen kurenye itabuder. Lanviele inya ve nazber numaze va pintik radekar. Areldon yasa va konoleks malseotar. PwaderaBerpotam tir abrotcaf ise va konaka tanda ( balemda ) tiskir. Lan pak kalion zo reizur voxen konaki rupaki lodabrotcion zo pintad. Jontika nakila va ugal ke nega zo tuviad aze kan fralek vas dile konak aksat dakid, i kan fralek rogriodiakas icde lanyona giva dum pilkoma ke gadikye ke pintik ke Coralie, kiren battode volto Léopold nope ailtuca tir. Pwadesik tir divef gu rupa inde favera va bareaf ilkom nedir. WatseemDalafa watsa ke bat berpotam tir warkuca. Sutesik va koredikeeem ke rupa tire nuler, tulon klecason da sin gan erba anton zo dustuled : « Gu turwi vas alub-kunoy franc talolk mbi krupá. » Koredik, nazbason va nazbeik, va seotara va konoleks en djuproyovad : « Sin va nazbeik di nazbatad, arse ! Ison en fiste », kore levaykat da nazbeik tir volke tolonga isen ayikya va kurenik al rester kiren in tiyir ailtaf. Sutesik va linulara ke koredik tukulaweyes dere nuler kiren sin tid calgaf ise va bewik ke intaf daref runt vligud : « Maneke bat tisik tid krizaf !». Dere rupel
|
 Yunkeks va Konoleks berpotam gan Charles Morel, koe piskuks va Miss Harriett berpotamak, 1901 | ||||||||||||||||
.svg){kind=icon}