Lanu bu ke rena (suterot)
|
Lanu bu ke rena tir berpot ke Émile Zola sanegayan bak 1879, i anyusteafa karba ke Rougon-Macquart yasa nevatum. VildeksJeanneTis anyusteafa karba ke nevatum, Lanu bu ke rena bak 1879 zo sanegar. Zola ko Paris va min gire stakser lize piza fu dilizer. Hélène Grandjean tir nazbeikya ke Ursule Macquart is Mouret edjiepusikye. Ba san-perda gu lan Grandjean zo kureyer aze va akolesafa nazbeya konazbayar, i va Jeanne konoleyese va galereja ke Adelaïde Fouque veygadya. Yasa ko Paris divsoker voxazen Grandjean kadimion awalker. Hélene va in batcemer kiren meviele al renar. Nik ke Provenca, i Jouve gertik is Rambaud berikye tise kazik, va Hélène koe listafa krabapa koe Paris vedgobed. Hélène kaku dilk va parisafa blira aulon dizver... Ko meem ke Henri Deberbe va int vinur, i ke vegungafe kurmikye pomase bak konake deonera ke Jeanne nazbeya. Voxen Jeanne tir lickarsafe nume va vetcoyera ke gadya va artan beomar. Hélène darpeon kosmar da Henri ixam tir kureyesi. HélèneHélène va intafa pestaka tove Deberbe pu Jouve gertik tis nik movur. Bantel pirdar da ine va Rambaud berye co di kurer voxen Hélène va rotisa skedara va Deberbe djufolir nume do nazbeya vieleon denon auzur. Bana inya tir lickarsafa. Kadimion Juliette Deberbe kurenik ke kurmikye va rumeikafa abozsirta grustar. Deberbe kurmik va intafa pestaka pu Hélène to bal bata sirta welidar. Sin va sint dablupuson kutcad, ezeon... Bak lana ganemba sielestura dene Deberbe ebava, Hélène va dokalira ke Juliette Deberbe is lan Malignon onser. Batcoba ale tir lana kevlanira, i kakevetca do bantanye co naleyena gan battanya. Hélène va Juliette pu kurenik djukuranker, stakseson va mesugdayana twa. Voxe ve sidjer nume kal kakevetcaxo di lanir, walzeteson va Juliette da ine gan kurenik fu zo basxatcaxar. Jeanne gan gadya loleon luxeon zo iskedar ise ve rizakoler nume arti abica safta di mulufter. Hélène va seltafa turapalara tere malaskir nume va waref Rambaud nik kurer aze ko geeka blitison dimlapir. Lanu bu ke rena tir grupensen berpot ke Rougon-Macquart nevatum. Zola va siuva ke bata kevitsana renarupa ligaber. Va akolaf zvak ke konolesik ke Adelaïde Fouque abduplekur, i va tulon rizakola dere muluftesisa va Jeanne. Lanu bu ke rena zavzar aulafa is frendafa neva, i tacenu bu... Dere rupel
|
| ||||||||||||||||
.svg){kind=icon}