|
Mark Twain tir Amerikaf suterotik, kobliyis koe Missouri soka. Inaf yoltack tir Samuel Langhorne Clemens.
Gadikyeiskaf ba san-toldafa klaa, Mark Twain va konaka eba ur : rubias ravesik az sutelasik va teliz dene fela ke gadikye az stedasik va yantatota moe Mississippi bost. Kire mu videra va levetiraf bolk do vageexoikeem me djulyumar, pune ko Nevada otcer aze vanpir moavaneyasik. Mali 1864 wetce daalasik felur. Radimi kurera do Olivia Langdon bak 1870, koe Hartford varone Tanarasokeem va int inker.
Koe taneaf berpot, Mark Twain va koyara koe Europa is Polinesia ( Innocents Abroad, 1869 ) divrozar, nuleson va abdimalyeks is linulara ke milpatectik, is va intafa rekola wetce moavaneyasik ( Roughing It, 1872 ). Va sposuca wetce braf sutesik tuke to toloy berpot urlicker : i tuke Yona stuva ke Tom Sawyer ( 1876 ) az The Adventures of Huckleberry Finn ( Yona stuva ke Huckleberry Finn,1885 ).
Mark Twain va logrestaf krent rotatakurevon rankes va ilamoteem ke seltay is volliduca renzana gu lidopa bak toleafu acku ke grabomeem soe suter. Inafa bliratena gan erbarge is awalkera ke tana nazbeikya az kurenik zo tuorikar.
Geltrafamon is bokson pimtason va amerikaf selt, Mark Twain tir tan taneaf sutesik malsaves va garifa avura ke geefa ik taltefa soka. Jontikviele dolunen gu Stevenson is Dickens, tir donaf gu winkafa divrozara va Amerika, trabe divrozara askina gan voik grupenyes va ugalane ke pimtano xo. Kipi ke inaf grabomeem va bat nelkot soe bisar kotviele in kadar « dizvesik va sane » rundason va nega koe worayana patecta.
Mark Twain tir garfelaf is volsiskes aktomasik, tulon kotviele va lorik ik alka is kon rigot ke kristeva dukar.
|
Mark Twain
|
|
| Koblira
|
30/11/1835,
Florida, Tanarasokeem
|
| Awalkera
|
21/04/1910,
Redding, Tanarasokeem
|
| Vedeyot
|
Tanarasokeem
|
| Ava
|
Englava
|
| Suterind
|
Berpot
|
|
|
Suterot
- (1866) What Have the Police Been Doing?
- (1867) The Celebrated Jumping Frog of Calaveras County
- (1869) Innocents Abroad
- (1871) Autobiography and First Romance
- (1872) Roughing It
- (1873) The Gilded Age: A Tale of Today
- (1875) Sketches New and Old
- (1876) Old Times on the Mississippi
- (1876) The Adventures of Tom Sawyer
- (1877) A True Story and the Recent Carnival of Crime
- (1878) Punch, Brothers, Punch! and other Sketches
- (1880) A Tramp Abroad
- (1882) The Prince and the Pauper
- (1883) Life on the Mississippi
- (1884) The Adventures of Huckleberry Finn - Yona stuva ke Huckleberry Finn
- (1886) Knights of Labor: The New Dynasty
- (1889) A Connecticut Yankee in King Arthur’s Court
- (1892) The American Claimant
- (1892) Merry Tales
- (1893) The $1,000,000 Bank Note and Other New Stories
- (1894) Tom Sawyer Abroad
- (1894) Pudd’n’head Wilson
- (1896) Tom Sawyer Detective
- (1896) Personal Recollections of Joan of Arc
- (1897) How to Tell a Story and other Essays
- (1897) Following the Equator
- (1900) The Man That Corrupted Hadleyburg
- (1901) Edmund Burke on Croker and Tammany
- (1901) The United States of Lyncherdom
- (1901) To the Person Sitting in Darkness
- (1902) A Defence of General Funston
- (1902) A Double Barrelled Detective Story
- (1904) A Dog’s Tale
- (1905) King Leopold’s Soliloquy
- (1905) The War Prayer
- (1906) The $30,000 Bequest and Other Stories
- (1906) Moro massacre
- (1906) What Is Man?
- (1907) Christian Science
- (1907) Is Shakespeare Dead?
- (1909) Captain Stormfield’s Visit to Heaven
- (1909) Letters from the Earth
- (1916) The Mysterious Stranger
|
|
|
.svg){kind=icon}