Mary Harris Jones tiyir amerikaf grosibaf is grosibevaf sayudasik. Ba 01/08/1837 koe Cork koe Eirea kobliyir aze ba 30/11/1930 koe Silver Spring koe Tanarasokeem awalkeyer. Ikayoltkiraf gu Mother Jones gan kobasik is grosibik.
Velikya koe femuxe, South Carolina galdolk, bak 1908
« Nugalebafa velikya isu velikye wale teniskaf emacek dem fokev dun elodeyed, va viujaf nubameem gu foalk vanplekuyud enide va arbewes fem dimwebokayad. Lev foalk ta puntara terigeyed. Afizcekon az mielcekon, kotafizon is kotmielon, fokevaruyud. Tevdaf rumeik dem gexata ke tevsandaf guazik ika sanoy cent talolkam anyustbartivon vieleon kobayad. Kotviele komodeyed, pune va fentafa lava gu vola mbi kevkabuyud isen puda ke gadesik vamoo alokafa iyepta ke foalkeem selekayar. »
— Mother Jones, divokseks ke intafa mivblirizva (1925) pimtas va rumeikafa kobara koe kiltafe femuxe bak 1906
« Vaxe kotrafa vetrovgara va dirotevaf bolk, va meka tcinera wí. Isen sedme jin, gadikye klapase va tugronara va bat bolk en tir pisonasik lidame va westa ta aytara va intaf nazbeikeem co narir. »
— Mother Jones, divokseks ke intafa mivblirizva, 1925
