Multatuli

Multatuli

1820-1887

Nederlandaf arotievaf ezlopik is suterotik

Multatuli ( winugon yoltkiraf gu Eduard Douwes Dekker ). Multatuli tir nederlandaf arotievaf suterotik, kobliyis koe Amsterdam ba 02/03/1820 az awalkeyes koe Ingelheim am Rhein ( Germana ) ba 19/02/1887. Nope Max Havelaar aktomberpot nelkon zo gruper. Inaf ikayolt tir vey latinavaf muxaks : multa tuli (  tcizapayá  ). Blirizva Flibik remi san-anyustda koe Nederlandafa India boniaxo, Eduard Douwes Dekker bak 1856 va play ke ikabowesik va Lebak gola ( Java ewala ) griflir, kevienon gan diweda balikena pu patectolikeem, aze toz suterotur, rankeson va boniareva is lidaroti is abdimalyeks. Taneafa piskura va Max Havelaar Max Havelaar berpot bak 1860 zo sanegar. Kro koe Nederlanda tauleper kiren bat riwe mivizvaf berpot tir taneaf rankes va volmalyaf skapabolk anzas va mon bar-san-celemoy Java saneik. Kan Max Havelaar, Multatuli va lyumara ke tumulan enelogasik kev ristara va tawadayikeem ke direfa Indonesia pwader. Koe toleafa piskura ( 1875 ), va straga is tuelimara loplekur ise kan taneaf ilkom muxar. Douwes Dekker dere tir sutesik va yon klecaf grabom isu aktom isu wadja isu funey is abicar berpot. Namidara Max Havelaar walvedeyafa gesia ta abduaskira va miltekafa kaza va vergumvelt ke berpot al narar ise wetce kazatcala saver.

Multatuli  Koblira  02/03/1820,  Amsterdam, Nederlanda  Awalkera  19/02/1887,  Ingelheim am Rhein, Germana  Vedeyot  Nederlanda  Ava  Nederlandava  Suterind  Berpot   Suterot  Max Havellar (1860), - berpot   Tuveli icde Suteroteem    Tuveli icde Arotieva