Musgrave welima (suterot)

**Musgrave welima**
	XANTO
	XANTO
Vergumvelt	The Adventure of the Musgrave Ritual
Sutesik	Arthur Conan Doyle
Ava	Englava
Suterotinda	Berpotam
Evla	1893
betara	teza

Musgrave welima

Musgrave welima ( englavon The Adventure of the Musgrave Ritual ) tir berpotam ke Arthur Conan Doyle taneon sanegayan bak 1893 koe Standard Magazine virda az direilanon koe Namio ke Sherlock Holmes berpotamak.

Vildeks

Koe bata rupa, Holmes va bifatum dilizeyes moi auzura va Reginald Musgrave grupenik ke kotla pu Watson kareizur. Musgrave moi griawira ke toloy intaf kwik va Holmes auzur, i ke Rachel Howells mawakwikya is Richard Brunton jontikedje tis kwokilikye. Bat toloy korik al griawid radimida Musgrave va Brunton taruleyer kiren bantel va yasaf valdig al beliyir, i va Musgrave welima. Batcoba tir welima evlafa gu XVII^-eafa decemda keve toa, atoena ton bibe az dulzeks :

— Ke toktan in tiyir ? : — Ke tel malfiyis.

— Toktan va in digitir ? : — Ke tel fitis.

— Tokeaf aksat tiyir ? : Teveaf mali taneaf.

— Toklize awalt tigiyir ? : — Vamoe persa.

— Toklize izga tigiyir ? : — Valeve naviula.

— Tokinde gokallanit ? : — Lenton sansanon aze ronon alubalubon aze geon toltolon aze talton tantanon aze valevon batinde.

— Va tokcoba ikaon zilitit ? : — Va kotcoba minafa.

— Tokdume gozilit ? : — Nope dirnura.

Gribeksayason va bat krent, Holmes vangruper da batcoba va sona ke Charles I kalfir, i va sona odiayana pu Ralph Musgrave ba divblira, is deatana pu direik.