Myotxo (suterot)

Myotxo Myotxo tir stuvaf berpot ke Jules Verne sanegayan bak 1873, tis tana karba ke Yona zultafa koyara nevatum. Vildeks Bak 1859 konak fayik ke Hudson Bay sistu gaden gan Jasper Hobson gu zabdura va folk lente 70-eaf laksiwak kaike naelivamu zo vajged, koe lugavafo lentexo ke Kanada lize sistu va kulaf lizukaf fled dem myotkiraf sulem djusaver. Folk moe Bathurst evilma zo exoner, i moe xo nutiso kotunafo ta mordara do patectolik voxis ta dizvera va awaltaf visikor ke 18/07/1860 gan keltopik pakes va brinuga. Bak visikorcek, bantan vofar da play moe xo tiso lentefo lodam uldineyeno tigir numen moe grocelaf opruk vols evilma enwe tigid. Oprafa flava sol tadava iliksantuwer ise toz dantaler, ilbureson va kerelesikeem. Tere va Bering vedil koonir aze genir, adre jeweson. Koriktum va ewalama tere artnir lize mosidar. Kadimion gan danmarkafa megoltota di zo greler. Koredik Jasper Hobson : fayikye blodafe gu brinuga. Pauline Barnett : budapafa koyasikya dositasa va brinuga. Thomas Black : keltopikye dositase va brinuga tcoketeson va visikor sokitis moe bat laksiwak ( 70-eaf ) bak bana ilana ( 1860 ). Long : veyrizikye ke brinuga. Mac Nap : rentasikya ke brinuga. Kellet : tane sayakikye ke brinuga. Kalumah : Inuit ayikya, nik ke Pauline dositas va brinuga. Yunkexa Konaka yunkexa va berpot, koe xantofa piskura, 1873 Dere rupel Jules Verne : Francavaf suterotik ( 1828-1905 ) (fr) Myotxo, dene Wikisource ( xantokrent ) Vuestexa

Myotxo XANTO Vergumvelt Le Pays des fourrures Sutesik Jules Verne Ava Francava Suterotinda Berpot Evla 1873 betara teza   Tuveli icde Suteroteem  Taneaf yunkeks ke xantof piskuks ke 1873