Pilkomafa arienta (suterot)
|
Pilkomafa arienta ( englavon A case of Identity ) tir berpotam ke Arthur Conan Doyle taneon sanegayan bak 1891 koe Standard Magazine virda az direilanon koe Yona stuva ke Sherlock Holmes berpotamak. VildeksMary Sutherland erur enide Sherlock Holmes va Hosmer Angel aguntanye bulon griawiyise kabdi kurera di katrasir. Arienta tir opelackafa : kogrupasik davon al katcalar da yikya va bantan gikakeveyer kotviele ikagadikye anton graceyer. Sedme Holmes arienta tir namapafa : vartaf Hosmer Angel enwe tir mile ikagadikye efuyuse enide tatcer da ikanazbeya va oga di bulur kiren in is gadikya kureyena ta anton erba, va kotcoba co drasuyud. Antaf mukot ke pizafa griawira ke aguntanik tir pedrara va inafa gesta numen ina va artanye lanedje me di dulaper. James Windibank ikagadikye gan Holmes zo tagar ; kipter ise ruyer da va meka mwa al aksur voxaze gonotcer kire fu zo vrinar ! Sedme Holmes, battan titir kumbanik. YunkexaKonaka yunkexa va berpotam, koe sanegasa virda bak 1891 Dere rupel
Vuestexa
|
 Tana yunkexa ke taneaf piskuks va berpotam bak 1891 | ||||||||||||||||
.svg){kind=icon}